Atzo elkartu zen Industria, Merkataritza eta Turismo Ministerioak eta autonomia-erkidegoek osatutako Merkataritzako Biltzar Sektoriala, eta bertan Merkataritza modernizatzeko programa: funts teknologikoa onartu zen. Programa horren barruan Euskadik guztira 4 milioi euro jasoko ditu eta 2022ko eta 2023ko ekitaldietan gauzatuko ditu. Funtsa Eusko Jaurlaritzako Turismo, Merkataritza eta Kontsumo Sailak kudeatuko du.
Funts Teknologikoa merkataritzaren sektoreko enpresa txiki eta ertainei bideratuta dago zuzenean, eta eskabideak banaka edo merkataritza-elkarteen bidez aurkeztu ahal izango dituzte.
Kontu-saila Espainiako Suspertze, Transformazio eta Erresilientzia Planean jasota dago. Dirulaguntzak merkataritzaren sektoreko enpresa txiki eta ertainek onlineko merkataritza-estrategia, negozio-eredua eta erosketa-esperientzia hobetzeko dira, bai eta salmenta-eremu fisikoa eraldatzeko eta efizientzia hobetuko duten proiektuak, biltegitik bezeroaren atera arteko entrega eta ekonomia zirkularra ere.
Programa hauen helburua da merkataritza indartsuagoa izatea aldaketei aurre egiteko, lehiakorragoa izatea eta kontsumo-aldaketa berrietara hobeto egokitzea lortzea.
