Aurten ere izango dira udal udaleku irekiak Azpeitian. Udalekuak ekainaren 23tik uztailaren 22ra arte izango dira. Gaurtik maiatzaren 31ra arte izango dute Haur Hezkuntza eta Lehen Hezkuntzako haur eta gaztetxoek izen emateko aukera. On line egin ahal izateaz gain, Azpeitiko Gazte Informazio Bulegoan ere (enparan kalea 1-1. solairuan) egin ahal izango da, honako ordutegian: goizez, astelehen, asteazken eta ostiralean, 10.00etatik 12.30era eta arratsaldez, astearte eta ostegunean, 17.00etatik 19.00etara. Edozein zalantza izanez gero 943 15 71 61 edo 943 15 71 60 telefonoetara dei daiteke.
DBH1etik Batxilergo 2 arteko gazteen ekintzetan parte hartzeko izen-ematea aurrerago egingo da. Azken urteetan egin moduan, aurten ere herriko hainbat eragilerekin elkarlanean antolatuko dira ekintza batzuk eta ahalik eta udaleku inklusiboenak egingo dira, herritar orok parte hartzeko aukera bera izan dezan.
Online izen-emateak:
**Ikusi Udan Alaiko egitaraua
