BAFFEST 2022 Emakume Argazkilarien Lehiaketaren VII. edizioak baditu 9 finalista. Urriaren 8an aurkeztuko dituzte beren lanak «BAFFEST Argazki Egunean», eta egun berean iragarriko da txapelduna. Joan den astean Valentzian, Madrilen eta Donostian aurrez aurrezko ikustaldien ondoren, Susana Mar, Carmen Dalmau eta Itziar Bastarrikak osatutako epaimahaiak BAFFEST 2022 Emakume Argazkilarien Lehiaketako lan irabazlea aukeratuko du. Argazkilari txapeldunak jaialdiak ekoitziko duen banakako erakusketa batean parte hartuko du 2023ko edizioan eta 500 euroko saria jasoko du. Euskal emakume argazkilari onena ere sarituko da, hau da, Barakaldo Saria banatuko da. Irabazleak 300 euro jaso eta haren lanak lekua izango du 2023ko jaialdian. Jaialdiko irabazlea euskal argazkilaria bada, epaimahaiak bigarren lan bat sarituko du, egilearen jatorria edozein dela ere.
Hauek dira 9 finalistak:
- Meritxell Ahicart, «Devilvery» (Castelló).
- Ainhoa Valle, «Matriz Cero» (Oviedo, baina Bartzelonan bizi da).
- Georgina Rodríguez Ayala, «Esquejes» (Mexiko, baina Bilbon bizi da).
- Deebo Barreiro, «La casa de las delicias» (Vigo, baina Madrilen bizi da).
- Laura San Segundo, «El recinto circular» (Alcalá de Henares, Madril).
- Raquel Bravo, «Nubes, Pájaros, Flores» (Madril).
- María Hernández Laplaza, «Todo el rato pasan cosas» (Tudela, baina Bilbon bizi da).
- Tania Barrenetxea, «Apegos feroces» (Barrika, Bizkaia).
- Irene Larrañaga, «Insuladas» (Donostia).
Hau izan da aurretik hautatutako hogeita hamar argazkilariek beren lanak modu originalean aurkeztu dituzten lehen urtea, Valentzian, Madrilen eta Donostian egindako aurrez aurreko ikustaldien bidez. BAFFEST 2022ren antolakuntza-taldeak oso positiboki baloratu du ekimena. «Jaialdiak hiru hirietan jaso duen harrera zoragarria eta harrigarria izan da. Eskerrik asko Revelarte, Efti eta San Telmori, BAFFEST familiakotzat jotzen baititugu. Aurkezpenen maila, jendearen erantzuna… Bizitako esperientzia gainditzea zaila izango da».
Finalistek epaimahaiaren aurrean aurkeztuko dituzte aukeratutako lanak, urriaren 8an Barakaldoko Clara Campoamor Kultur Etxean egingo den ikustaldi saioan. Lana bi modutara aurkeztu ahal izango dute: digitalki proiektatuz edo euskarri fisiko bat erakutsiz, bideokamera baten bidez proiektatuko dena. Aurkezpen horretan, epaimahaiaren iritzi eta iradokizunak jasoko dituzte, eta horiei esker garatzen jarraituko dute.
Urriaren 8ko «BAFFEST Argazki Eguna» izugarria izango dela aurreikusten da. Bezperan, urriaren 7an, Euskal Herriko eta Estatuko parte hartzaile guztien harrera egingo da. Ikustaldiak urriaren 8ko (larunbata) lehen ordutik hasiko dira, Clara Campoamor Kultur Etxean. Bisita gidatua ere programatu da, eta, amaieran, herri bazkaria egingo da.
Arratsaldean, 17:00etatik 21:00etara, Campoamorreko entzunaretoa eduki gehiagoz beteko da:
- 17:00: Efti (Madril) nahiz Revelarte (Valentzia) eskolen eta San Telmo Museoaren (Donostia) aurkezpen laburrak. Azken horretan, «Gabriela Cendoya Bergareche» argazki-liburuen bilduma dago. Hiru gune horiek aukeratutako lehen hogeita hamar argazkilarien lanen ikustaldien egoitza izan dira maiatzean.
- 18:30: Carmen Dalmauren argazki-liburuen, Va! aldizkariaren eta Elena González Torres «Klamca» argazkilariaren erakusketaren aurkezpenak (azken hori kultur etxera bertaratuko da).
- 20:00: BAFFEST 2022 saria emateko ekitaldia.
Asteburuari amaiera emateko, urriaren 9an, igandea, Cris P. Lareoren erakusketaren bisita gidatua egingo da Errekatxon. Ondoren, beste herri bazkari bat egingo da.
INFO+:
