Casilda Iturrizar parkea eta Bilboko Euskalduna Jauregia izan dira gaur, ekainaren 1etik 3ra hirian egingo den The Wellbeing Summit for Social Change goi-bileraren inaugurazio ekitaldien egoitzak.
Juan Mari Aburtok, Bilboko alkateak, hasi du ekitaldia Casilda Iturrizar parkean zuhaitz bat landatzen Mandala Lab instalazioaren zati gisa eta, ondoren, Yazmany Arboledaren Hospital for The Soul obra bisitatu du.
Tim McHernyk, Rubin Museum of Art-eko Deputy Executive Director eta Chief Programmatic Officer, hurrengo adierazi du: “Ea Mandala Lab-en igarotzen dugun bidaiak bakarkako noranzko mugatu horretatik komunitate gisa hedatzen den norabait eramaten gaituen. Era berean, The Wellbeing Summit Bilbon ospatzeko gonbidapenari esker hiri hau euskal kulturaren adierazgarri ez ezik, nazioarteko komunitate osoak bizitzeko lekua ere badela berresten dugu”.
Bestalde, Sandrine Woitrin, The Wellbeing Project-eko zuzendarikideak adierazi duenez, The Wellbeing Summit-en hitzaldien programari eta proposamen artistikoei esker “goi-bilerako parte-hartzaileei eta Bilboko biztanleei aukera emango diete gizartearen alderdi guztietan ongizatea bultzatzearen eragin positiboa esperimentatzeko, emaitza hobeak lortze aldera”.
Horren ondoren, inaugurazio hitzaldian, Alkateak Wellbeing Summit-eko antolatzaileei eta parte-hartzaileei dei egin die “iraultza isil baina beharrezko horretan sakontzeko. Iraultza horrek, giza ongizatearen ikuspegitik, gizarte-aldaketa bultzatzea dakar, Hitzaren zentzurik zabalenean”.
Aburtok gogorarazi duenez, “duela urte batzuetatik hona, Bilbok bere egin du giza ongizatearen aldeko apustu hori, eta Bilboko Balioen Gutunean jaso du, nazioarteko erreferentzia bihurtu den dokumentu aitzindarian, eta, zalantzarik gabe, etorkizuneko paradigma berri bat abian jartzeko konpromiso argia da, iraunkortasun ekonomiko eta ingurumenekoaren eta justizia sozialaren ikuspegitik”.
Bestalde, Ainara Basurko Bizkaiko Foru Aldundiko ekonomia sustatzeko foru diputatuak azaldu duenez, The Wellbeing Summit “oso lotuta dago hirien eta balioetan oinarritutako lurraldeen garapenaren garrantziarekin. Baita bizitza osasuntsua bermatzeko eta ongizatea sustatzeko aukerari lotuta ere. Helburu horretan funtsezko zerbait badago, norberaren hizkuntza eta kultura bultzatzea da. Gizartea eta munduari begiratzeko dugun modua ezaugarritzen dute. Gainera, gizarte-kohesioaren, bizikidetzaren eta nortasunaren faktoreak izanik, euskararen eta euskal kulturaren erabilera sustatzearen aldeko apustua egiten dugu, pertsonen ongizaterako oinarri eta gizarte aurreratu baterako giltzarri gisa. Ingurunea zaintzea, gozatzea eta modu osasungarrian egitea Bizkaiko filosofietako bat da. Hurrengo belaunaldiei Bizkaia hobea uzteko lanean ari garela» gaineratu du Ainara Basurkok.
Horrek mugitzen gaitu. Bizkaia hobeto itzulia bizi-kalitatean, kalitatezko zerbitzu publikoetan eta aukera-berdintasunean. Gizarte bakar batean ordezkatutako Bizkaia bat, denok sartzen garen erdiko ubide bat, non inor ez den atzean geratzen. Eta hori lortzeko balio nagusi bat: egonkortasuna. Egonkortasun politikoa, soziala eta ekonomikoa
