Pasa den asteburuan Santurtzin beste arrakasta bat lortu ondoren, «Greenpower-Bridgestone» zirkuitua (www.circuitogreenpower.com) Barakaldora itzuli da asteburu honetan, Bridgestone mugikortasun jasangarriaren eta konponbide aurreratuen arloko munduko liderraren, Udaleko Garapen Jasangarria eta Natur Ingurunea arloaren, Bizkaiko Foru Aldundiaren, Alfonso Libano Fundazioaren eta Autonerviónen eskutik
Hala, ekainaren 5ean, igandean, Herriko Plazan, 10:00etatik 14 00etara egingo da lehiaketa, eta Euskadiko eta Asturiasko emakumezkoen zein gizonezkoen hainbat zentrotako 15 taldek hartuko dute parte. Globins modalitate honetan Lehen Hezkuntzako 9 eta 11 urte bitarteko haurrek hartuko dute parte.
Klima-aldaketari aurre egiteko, funtsezkoa da ikasleen eta haien familien artean mugikortasun jasangarria sustatzea. «Ekimen hori oso positiboa da, batetik bestera joateko ohiturak aldatzearen alde egiten duelako eta adingabeen trebetasun zientifikoak sustatzen dituelako. Horregatik egin genuen iaz lehiaketa honen aldeko apustua, eta bigarren edizio honetan, bitxia bada ere, Ingurumenaren Egunarekin bat etorriko da jarduera, eta parte hartzeko errekorra izango dugu», adierazi du Alba Delgadok, Barakaldoko Garapen Jasangarria eta Ingurune Naturala arloko zinegotziak.
«Circuito Greenpower -Bridgestone» hezkuntza-programak hainbat kotxe-karrera biltzen ditu, eta parte-hartzaileek, 9 eta 25 urte bitarteko haurrek eta gazteek, auto elektrikoa diseinatu eta eraiki behar dute horietan parte hartu ahal izateko. Probetan, lehentasuna ematen zaio ibilgailu batek aurretik ezarritako ibilbide bati motor elektrikoaren eta baterien konbinazio batekin – berbera denentzat – eman diezaiokeen buelta-kopuruari. Nahi bezala diseinatu daiteke autoaren karrozeria, bai eta haren alderdi mekaniko eta elektrikoak ere, errendimendua hobetzeko. Lehiaketetan, bateria agortu gabe kilometro gehien egitea lortzen duena da irabazlea, eta, beraz, ez du azkarrenak irabazten, baizik eta modu energetikoki eraginkor eta jasangarrian gidatzen duenak.
Alfonso Libano Firestone Fundazioak ekitaldi hori sustatzen du, Bridgestone fundazioarekin batera, sinetsita baitago hezkuntza eta, zehazki, Stem hezkuntza zutabe garrantzitsua dela Euskadiren berrindustrializazioan eta ekosisteman, eta hori dela Fundazioaren helburu garrantzitsuena. Erakundeak parte hartzen du, halaber, jakitun delako berrindustrializazioa eraginkorragoa izango dela sektore publikoa eta sektore pribatua lankidetzan aritzen badira, eta, hain zuzen ere, ekimen honetan, gazteenak lanbide zientifiko eta teknikoetara bideratzea ahalbidetzen duen lankidetza hori dago.
Ikasleek, eskolaz kanpoko ordutegian edo taldean lan eginez, curriculum-jarduera gisa garatzen dituzten autoek Stem (Science, Technology, Engineering and Mathematics) trebetasunak garatzea ahalbidetzen dute. Beren automobilak proiektatzen eta eraikitzen dituzte antzeko adineko taldeen artean neurtu ahal izateko, betiere prototipo elektrikoen eta ingurumenaren aldetik arduratsuak diren prototipoen inguruan.
ERRESUMA BATUA, GREEPOWER PROIEKTUAREN SORLEKUA
1990eko hamarkadaren amaieran sortu zen Greenpower Educacion Trust, Erresuma Batuan, 9 urtetik gorako haurrek trebetasun teknikoak, lidergokoak eta talde-lanekoak ikas ditzaten eta praktikan jar ditzaten, lasterketa bat irabazteko ibilgailu elektriko bat beraiek diseinatu eta eraikitzeko erronkarekin. «Gainera, ikasleek euren proiektua gauzatzeko behar dituzten babesak eta baliabideak bilatu behar dituzte, eta horrekin komunikazio- eta salmenta-trebetasunak ere lantzen dituzte, babesleei ingelesez prestatu eta azaldu behar dieten negozio-plan bat lantzeaz gain.1999an, tokiko taldeekin antolatu zituzten lehen lehiaketak Goodwood eta Silverstonen, eta harrezkero mundu osoko taldeak eta ekitaldiak batu dira Estatu Batuetan, Txinan, Indian, Singapurren, Portugalen, Malaysian edo Polonian, besteak beste. Aurten, proiektuak hogeita hirugarren edizioa izango du, eta urtero 85 lasterketa inguru egingo dira lurralde horietan. Kirol motorrek gazteen Stem trebetasunak garatzeko inspirazio gisa pizten duten gogoa eraldatzeko asmoarekin sortu zen proiektua.
Gaur egun, Lehen Hezkuntzatik unibertsitatera bitarteko 12.500 ikaslek baino gehiagok parte hartzen dute beren jardueretan. Horretarako, hiru lehiaketa-kategoria bereizten ditu adinaren arabera: Goblin formula (9 urtetik 11 urtera), 24 Formula (11 urtetik 16 urtera) eta 24 + Formula (16 urtetik 25 urtera).
Horrez gainera, 2.600 talde baino gehiagoren nazioarteko sare baten parte da Greenpower Iberia (AEB, India, Malaysia, Polonia, Brasil edo Singapur gisako herrialdeetan egiten da, besteak beste), eta eskualdeko, nazioko eta nazioarteko 200 lasterketekin.
