Egungo hockey pista itxi eta berrituko du Udalak, 911.000 euroko inbertsioaren bidez esparruaren kirol aukerak ugaritzeko. Aurten, erreforma garrantzitsuei ekin zaie Gorostitzako kiroldegian, galdara efizienteagoa, barne-igerilekuak hobetzea eta egitura ixtea eta 2 milioi eurotik gorako inbertsioa ekarri dutenak.
Barakaldoko Udalak hiriko kirol-instalazioak hobetzen jarraitzen du. Oraingo honetan Gorostitzako kiroldegiko hockeyko pista da, denboraren poderioz hondatuta dagoena. Pista hori erabat itxiko da eta kirol anitzeko pista bihurtuko da, non hockeya, patinak, futbitoa eta saskibaloia praktikatu ahal izango diren. Lanak kontratatzeko fasean daude dagoeneko, eta lizitaziorako oinarrizko prezioa 911.000 eurokoa da. Hori zen kirol-instalazio horiek erabiltzen dituzten klubek eskatzen zuten obretako bat, lurzorua irregularra delako eta korronte handiko eremua delako. Ildo horretan, espazioa erabat ixteko aukera aztertu zen, joko-eremu egonkorragoa, seguruagoa eta erosoagoa sortzeko, eta, gainera, Barakaldo Kiroletako erabiltzaileei kirol-aukera gehiago eskaintzeko.
Espazio horrek, gaur egun, albo irekiak eta lurzoru irregularra ditu. Lanak aukera emango du espazio hori kirol anitzeko zentro itxi bihurtzeko, goiko egitura aprobetxatuz. Itxitura sortzeaz eta zorua erabat konpontzeaz gain, lau ikusle-harmaila txiki sortuko dira mendebaldeko alboan.
Eraberritze hori egiteko, egungo kirol-ekipoen zati bat desegin behar da, hala nola babes-hesi perimetralak, arbitro eta jokalarien bankuak, atezaindegiak eta argiztapena. Gainera, hormigoizko zorua eraikiko da, plataforma berri bat eta drainatze-sare bat egiteko.
Eraikina hormigoizko bloke aurrefabrikatuekin itxiko da. Argiztapen osoa aldatuko da, suteak detektatzeko guneak sortuko dira, aireztapena, etab. Azkenik, lanak atezaindegiz, saskibaloi-saski erretraktilez, sare eta babesez hornituko ditu hiru pistak: hockeya, areto-futbola eta saskibaloia.
BI MILIO EURO BAINO GEHIAGO AURTEN ERREFORMAK EGITEN GOSOSTIZAN
Gaur egun, lizitazioaren oinarrizko zenbatekoa 911.000 eurokoa da. Lizitatu eta kontratua sinatu ondoren, lanak 7 hilabeteko iraupena izango duela aurreikusten da. «Azken hilabeteotan, hobekuntza garrantzitsuak egin ditugu kiroldegian, galdara ordezkatuz, igerilekuak eraberrituz, espazio berri hori sortuta, zeinak, zalantzarik gabe, kiroldegiaren aukerak zabalduko baititu», Barakaldo Kirolak elkarteko presidente Iñigo Asensiok azaldu duenez. Azken hiru lan horiek 2 milioi eurotik gorako inbertsioa ekarri dute.
