Idoia Mendia Lehendakariorde eta Lan eta Enplegu sailburuak emakumeen, gazteen, 45 urtetik gorakoen eta dibertsitate funtzionala duten pertsonen «lan-talentu izugarria» aztertzeko deia egin du gaur, «Iraultza ekonomiko sakoneko eta enplegu-aukera-eremu zabaleko» une honetan.
Mendiak WORKinn Talent Hub izeneko enplegu-azoka inauguratu du gaur Barakaldoko BECen, Makina Erremintaren Biurtekoaren esparruan, «etorkizuna duten enpresak etorkizun hobea nahi duten pertsonekin» lotzeko.
Lehendakariordeak bere hitzaldian adierazi duenez, «emakumeek talentu izugarria dute, eta oraindik ez dute betetzen lan-arloan dagokien lekua. Badira gazteak, espazio horretan sartu nahi dutenak. 45 urtetik gorakoen kasuan, ezin dira bertan behera utzi, enpleguaren errealitate berrietara egokitzen ez direlako. Eta badago, eta talentu handia, dibertsitate funtzionala duten pertsonengan, enpresa arruntetan modu aktiboagoan inplika baitaitezke».
«Eta talentu hori guztia aztertu nahi dugu ahal dugun bide guztietatik, baita Workinn Talent Hub-en formatu horretan ere» gaineratu du, zuzentzen duen sailak Lanbideren bitartez parte hartzen duela, «dagoeneko martxan dituen zerbitzu publikoa, hain zuzen ere emakumeen, gazteen, 45 urtetik gorakoen eta ezgaitasuna duten pertsonen talentu hori sustatzeko, eta Osalan-ena, pertsona bakoitzari, adinagatik edo generoagatik pertsona desberdinek dituzten arriskuei buruzko prebentzio-kultura zabaltzen duen zerbitzu publikoa, langileen osasuna zaintzea, eskubideaz gain, aktiboa baita enpresentzat».
