Osakidetzaren Arabako ESIk instalazio kirurgiko berriak izango ditu gaurtik, ekainak 20, azken belaunaldiko ekipamenduarekin. Ebakuntza-gela horiek honako arloetan ebakuntzak egiteko erabiliko dira: Angiologia eta Kirurgia Baskularrean, Kirurgia Orokorra eta Digestio-aparatukoan, Ahoko eta Aurpegi-masailetako Kirurgian, Kirurgia Ortopedikoa eta Traumatologian, Ginekologian, Neurokirurgian, Otorrinolaringologian, Larrialdi Orokorretan eta Traumatologiakoetan, eta Urologian.
Espazio berri horrek, instalazioak handitu eta ekipamendu berriak izateaz gain, hobekuntza handia dakar pazienteen arreta- eta segurtasun-zirkuituetan, bai eta osasun-profesionalen eskura dauden bitarteko eta eremuetan ere. 10 000 paziente inguru igaroko dira urtean zehar Bloke Kirurgikotik osasun-arreta jasotzeko. Kirurgia Handi Anbulatorioa AUO Santiagon egingo da.
Bloke Kirurgikoaren ezaugarriak
Bloke Kirurgikoa Arabako Unibertsitate Ospitaleko Zerbitzu Orokorren eraikin berriko 2. solairuan dago. Eraikin hori abenduaren 22an inauguratu zen. Espazio horrek 4000 m2 baino gehiagoko azalera du, eta kirurgia programaturako eta urgentziazkorako 19 ebakuntza-gela ditu; horietatik 16, 4 klusterretan edo modulutan multzokatuta daude, eta beste 3 ebakuntza-gela handiago, horietako bik teknologia hibridoa dute, eta bat kirurgia robotikoa egiteko prestatuta dago.
Ebakuntza-gelak klusterretan antolatzeak modulu bakoitzaren kudeaketa bereizia ahalbidetzen du. Hartara, guneen eraginkortasun handiagoa lortzen eta prozesu motaren arabera integratutako eremu funtzionalak eratzen laguntzen da. Horrela, Bloke Kirurgikoa 5 klusterrek osatzen dute.
-
- 0 klusterra: modulu horretan, Neurokirurgiako eta Kirurgia Ortopedikoa eta Traumatologiako ebakuntza-gela bereziak, Angiologia eta Kirurgia Baskularreko operazio-gela bereziak eta Kirurgia Orokorra eta Digestio-aparatuko, Ginekologiako eta Urologiako ebakuntza-gela bereziak kokatuko dira.
-
- klusterra: modulu hori Otorrinolaringologiako, Ahoko Kirurgia eta Aurpegi-masailetako, Urologiako eta Ginekologiako ebakuntza-gelek osatzen dute.
-
- klusterra: modulu horretan, Larrialdi Orokorretako eta Traumatologiakoetako ebakuntza-gelak eta balio anitzeko operazio-gela bat daude.
-
- klusterra: modulu hori Kirurgia Orokorra eta Digestio-aparatuko ebakuntza-gelek osatzen dute.
-
- klusterra: modulu honetan Kirurgia Ortopedikoa eta Traumatologiako operazio-gelak daude.
Ebakuntza-gela berriek 42 m2-ko azalera dute, eta honako ezaugarri hauek dituzte: mahai kirurgikoak, eraginkortasun handieneko LED argiztapena, sabaian ainguratutako gailu mugikorrak gurpilen gaineko ekipoak gutxitzeko, kableatuak eta konexio integratuak, bereizmen handiko monitoreak orotariko irudietarako (erradiografiak, erresonantziak, angiografiak, etab.) eta arnasgailuak, besteak beste.
Ebakuntza-gela hibridoak: azkarragoak eta seguruagoak inbaditzaileak diren gutxieneko prozeduretan
Ebakuntza-gela hibridoa erradiodiagnostikoko irudi-sistema aurreratuak dituen gela kirurgikoa da. Sistema horiek prozedura konplexuak modu erraz eta azkarrean egiten laguntzen diete kirurgiako profesionalei, oso gutxi inbaditzen dutenak gainera. Halaber, prozedura konplexuak denbora laburragoan eta segurtasun handieneko baldintzetan egiteko aukera ematen du.
0 klusterrean dauden ebakuntza-gela horiek hurrengo fasean gaituko dira, eta 3 dira. 65 m2-ko azalera dute, teknologia eta ekipo gehiago behar dituzten prozedurak egiteko, hala nola Angiologia eta Kirurgia Baskularra, Neurokirurgia eta Kirurgia Ortopedikoa eta Traumatologia, eta kirurgia robotikoa Kirurgia Orokorra eta Aparatu Digestiborako, Ginekologiarako eta Urologiarako, kudeaketa-sistema adimendunekin eta mistoekin.
Ebakuntza-gela integratuak
Operazio-gela integratu baten helburua da espazio egokitu eta seguru bat eskaintzea ebakuntza guztiak egiteko, errazenetatik konplexuenetara, eta aukera ematen du aretoko ekipamendua puntu bakar batetik kontrolatzeko, ebakuntza-gelako gune esterilean.
Gela mota horrek berrikuntzak dakartza kirurgietan, prozeduraren monitorizazioan, argiztapenean eta pazientearen jarraipenean erabiltzen diren ekipoetan eta teknologian. Abantaila nagusia da kirurgian aktibo dauden ekipamenduen kontrol zentralizatua ahalbidetzen duela, eta, beraz, edozein aldaketa egin daiteke ebakuntza-gelako eremu esteriletik; izan ere, eremu zehatz horretara sartzea osasun-langileentzat mugatuta dago, prozedura kirurgikoa babestuta mantentzeko.
Ebakuntza-gela honetako ekipamenduari esker, kirurgia zuzenean eta bereizmen handian bistaratu, grabatu eta partekatu daiteke, gune berean dagoen pantaila baten bidez. Gainera, lau ebakuntza-gelak bideo-streaming sistema dute, igorritako irudia Arabako ESIren sareko edozein ordenagailutara bidaltzeko. Horrela, informazioa kontsultatzea errazten zaio erakundeko edozein profesionali, eremu esterilaren barruan egon beharrik gabe, eta, gainera, oso baliagarria da irakaskuntzarako.
10 000 interbentzio inguru urtean Kirurgia Bloke berrian
Arabako ESIk ospitaleratzea behar izan zuten 8393 ebakuntza egin zituen iaz (% 70,65 programatuta eta % 29,35 premiazkoak). Interbentzio gehien izan zituzten espezialitateen artean honako hauek nabarmendu ziren: Traumatologia (2684 ebakuntza kirurgiko), Kirurgia Orokorra eta Digestio Aparatukoa (2148 ebakuntza kirurgiko) eta Urologia (1297 ebakuntza kirurgiko).
.
Esterilizazioa
Ekainaren 1ean AUO Txagorritxuko Esterilizatzeko Zentral berria inauguratu zen (E eremua). Zerbitzu Orokorren eraikin berriko -2 solairuan 1.000 m2-ko azalera hartzen duten instalazio moderno horiek teknologiarik aurreratuena dute, eta Europa mailan onenen artean dago.
Zentral berriak kirurgia-tresneria garbitzen hasi da bere instalazioetan (kirurgia-eremu bakoitzean egiten ari zena). Horretarako, garbiketa-eremuan, karga eta deskarga automatikoak dituzten 4 garbigailu termo-desinfektatzaile, orgak, edukiontziak eta tresnak garbitzeko 2 tunel eta ultrasoinu bidezko garbiketa ditu, Da Vinci robotaren osagarriak garbitzeko berariazko tresnekin.
Material kirurgikoak esterilizatzeko, lurrunezko 4 esterilizagailu eta hotzeko 3 esterilizagailu ditu (hidrogeno peroxidozko 2 eta formaldehidozko 1). Hori guztia, azken sistemez hornituta, ergonomia eta langileen segurtasuna bermatzeko, bai gailueta, bai eta instalazioetan ere.
Esterilizazio-zentral berriaren irekiera tresna kirurgikoen trazabilitate-, eguneratze- eta hobekuntza-proiektu bati lotuta dago. Izatez, instalazio berrietan 8 lan-mahai egongo dira, tresneria kirurgikoaren kaxak muntatu eta kontrolatzeko. Proiektu horri esker, une oro, erabilitako edozein tresna modu indibidualizatuan trazabilitatu ahal izango da Esterilizazio Zentralean sartzen denetik, eta garbiketa-, desinfekzio- eta esterilizazio-prozesu guztiak erregistratuta geratuko dira helmugako zerbitzura ateratzen den arte; gainera, trazabilitateari buruzko informazio guztia historia klinikoan sartuko da.
Pixkanakako irekitzea
Inauguratu zenetik, hainbat unitate ireki dira pixkanaka Araba Unibertsitate Ospitalea – Txagorritxuko Zerbitzu Orokorren eraikin berrian, eta Osasun Sailak eta Osakidetzak 104 milioi euroko inbertsioa egin dute.
