Aurten 12 eremu jarriko dira martxan Euskadin. Kanpaina honetako berrikuntzetako bat adingabeei eskainitako auzolandegiak Gorliz, Maeztu eta Alonsotegi dira. Nagusien artean, Lemoa eta Lekeitio II bezalako batzuek % 100 inguruko okupazioa dute, eta gainerakoak % 60 ingurukoak dira.
Araban: Maeztuko auzolandegia industria-ondarea leheneratzera zuzenduko da, eta adingabeak hartuko ditu: uztailaren 18tik abuztuaren 1era egingo da.
Bizkaian: Erandioko auzolandegia ingurumenera eta ondare historikora zuzenduko da eta uztailaren 4tik 18ra egingo da. Muxikako auzolandegiak nazioarteko izaera du, eta ingurumenera eta ondarea leheneratzera zuzenduko da; uztailaren 4tik 18ra bitartean jasoko ditu gazteak. Alonsotegiko auzolandegian, adingabeek ingurumena leheneratzeko lanak egingo dituzte, eta uztailaren 4tik 18ra egingo da. Murueta I auzolandegia ingurumen-jardueretara zuzenduko da, eta uztailaren 4tik 18ra egingo da. Murueta II auzolandegiak nazioarteko izaera du, eta ingurumena izango du ardatz; uztailaren 18tik abuztuaren 1era egingo da. Sopuertakoak ingurumena izango du ardatz, eta uztailaren 18tik abuztuaren 1era egingo da. Lekeitio I auzolandegiak Abaroa egoitzan adineko pertsonekin egingo diren animazio-jarduerak izango ditu ardatz, eta uztailaren 18tik abuztuaren 1era egingo da. Gorlizko auzolandegia adingabeentzat diseinatu da, eta ingurumena eta ondarea leheneratzea izango ditu ardatz; abuztuaren 1etik 15era egingo da. Lemoako auzolandegian memoria historikoarekin lotzen diren jarduerak egingo dira eta abuztuaren 1etik 15era egingo da. Lekeitio II auzolandegian animazio-jarduerak egingo dira Abaroa egoitzako adineko pertsonekin, eta abuztuaren 1etik 15era egingo da.
Gipuzkoan: Bergarako auzolandegian Mizpirualde egoitzarako animazio-jarduerak egingo dira, eta abuztuaren 15etik 29ra egingo da.
Eusko Jaurlaritzako Berdintasun, Justizia eta Gizarte Politiketako Saileko Gazteria Zuzendaritzaren Auzolandegiak programaren bidez (gazte-boluntariotzako auzolandegien programa), bultzatu nahi da zenbait jatorritako gazteek beren borondatez eta eskuzabaltasunez parte hartzea, 15 egunez, gizarte-proiekzioko lanetan.
Aurten, 2022. urtean, Gazteria Zuzendaritzak 12 auzolandegi antolatu ditu Euskadin, horietako bi 14 eta 17 urte bitarteko adingabeentzat soilik: Gorlizen, Bizkaiko Foru Aldundiaren laguntzarekin, eta Arraia-Maeztun.
Beste bi auzolandegik nazioarteko izaera izango dute —Muxikakoa eta Muruetakoa—, eta bertan Euskadiko eta beste herrialde batzuetako gazteek parte hartuko dute. Gainerako auzolandegietan, Euskadiko eta beste autonomia-erkidego batzuetako gazteek parte hartuko dute. Euskadiko plazez gain, beste eskualde eta herrialde batzuetako plazak ere eskaini dira. 18 urtetik gorako pertsonek, 30 urtera arte —auzolandegi bakoitzaren arauen arabera—, parte hartu ahal izango dute auzolandegi horietan.
Auzolandegiak programaren beste berritasun bat da Akitania Berria – Euskadi –Nafarroa Euroeskualdearen esparruko lehen auzolandegia egitea. Hiru eskualdeetako 25 gaztek parte hartuko dute Lekarozen (Nafarroa) abuztuaren hasieran egingo den auzolandegian.
Alonsotegi
Alonsotegiko auzolandegia zuzenduko da “Urreiturri” izeneko aisialdi-eremua lehengoratzera eta hobetzera eta uztailaren 4tik 18ra egingo da. Auzolandegi hori 18 eta 26 urte bitarteko gazteei eta 18 eta 30 urte bitarteko dibertsitate funtzionaleko gazteei zuzenduko zaie. 20 plaza izango ditu eta Estatu-mailakoa izango da. Euskaraz eta gaztelaniaz mintzatuko da.
Arraia-Maeztu
Izkiko Parke Naturalaren erdian, Araban, Korres dago, mendiz eta harkaitzez inguratutako haran txiki batean. Udal-mugarte horretan, hain zuzen ere, zegoen San Ildefonso asfalto-fabrika. Asfalto-fabrikak XIX. mendean du jatorria. 1858. urtetik 1913. urtera arte izan zen funtzionamenduan, eta 55 urte horietan Estatuko asfalto-ustiapenik handiena izan zen, lehena. Meatze-konplexu horretan asfalto-lauzak eta -xaflak fabrikatzen ziren, eta 8 eraikin eta iragaiteko zenbait espazio ireki edo patio zituen.
Bergara
Bergarako auzolandegian, Mizpirualde egoitzako belaunaldien arteko trukea izango da helburu, hirugarren adineko pertsonen dinamizazio sozialaren bidez. Abuztuaren 1etik 15era eta abuztuaren 15etik 29ra bitartean, 18 eta 26 urte bitarteko gazteentzat eta dibertsitate funtzionala duten 18 eta 30 urte bitarteko gazteentzat 20 plaza izango dira txanda bakoitzeko. Estatu mailakoa izango da, eta euskara eta gaztelania erabiliko dira.
Erandio
Erandio/Martiartuko auzolandegia ondare historikoa eta naturala leheneratzera zuzenduko da, Erandioko landa-bideen ingurune berdea zaharberritzearekin, birsortzearekin eta hobetzearekin. Uztailaren 4tik 18ra bitartean garatuko da, 18 eta 26 urte bitarteko gazteentzat eta dibertsitate funtzionala duten 18 eta 30 urte bitarteko bi gazterentzat. 20 plaza euskaraz eta gaztelaniaz.
Lekeitio
Lekeitioko auzolandegiak Uribarren Abaroa egoitza dinamizatzea eta hirugarren adinekoentzako jardueretan laguntzea izango du helburu, uztailaren 18tik abuztuaren 1era eta abuztuaren 1etik 15era bitartean. 18 eta 26 urte bitarteko gazteei zuzentzen zaie eta txanda bakoitzean bi plaza izango dira dibertsitate funtzionala duten gazteentzat. Auzolandegi tradizionala da, arlo sozialekoa, eta helburu nagusia da adinekoen garapen integralaren alde lan egitea. Gazteen gaitasun solidarioak indartzeko ere baliagarria izango da.
Lemoa
Leamoatxa´1937 auzolandegia Lemoan garatuko da eta Lemoatx mendiaren gailurrean dagoen lubaki-eremu bat leheneratzea du helburu. Abuztuaren 1etik 15era bitartean garatuko da, 18 eta 26 urte bitarteko gazteentzat, eta bi plaza izango ditu dibertsitate funtzionala duten 18 eta 30 urte bitarteko gazteentzat.
Murueta
Muruetako auzolandegiak “Dinamita” zamalekuaren ingurua berreskuratzea du helburu. Lehenengo txanda uztailaren 4tik 18ra egingo da eta 18 eta 26 urte bitarteko gazteei zuzenduko zaie —bi plaza izango ditu dibertsitate funtzionala duten 18 eta 30 urte bitarteko gazteentzat—. Bigarren txanda, uztailaren 18tik abuztuaren 1era egingo dena, ingelesez izango da eta 18 eta 26 urte bitarteko gazteentzat (nazioarteko auzolandegia).
Muxika
Muxikako auzolandegia Ibarruriko Maume auzoaren balio soziala eta historikoa leheneratzera zuzenduko da. Uztailaren 4tik 18ra bitartean egingo da eta ingelesa izango du oinarri, nazioarteko auzolandegia baita. 18 eta 26 urte arteko gazteek parte hartu ahal izango dute.
Sopuerta
Sopuertako auzolandegia antzinako errege-galtzada egokitzera zuzenduko da, auzoak ikastetxearekin eta erdigunearekin lotzeko. Abuztuaren 1etik 15era bitartean egingo den auzolandegi honen helburua da antzinako errege-galtzada garbitzea eta egokitzea, auzoak ikastetxearekin eta erdigunearekin lotzeko, errepide orokorra erabili beharrik gabe.
Gorliz
Gorlizeko auzolandegia Bizkaiko Foru Aldundiaren lankidetzari esker egingo da, eta 14 eta 17 urte bitarteko gazteei eskaintzen zaie. Auzolandegi honetan Urezarantza inguruko zubia berreraiki eta harrizko garbitegia berreskuratuko dira. Abuztuaren 1etik 15era bitartean egingo da, gaztelaniaz eta euskaraz, eta bi plaza gordeko dira dibertsitate funtzionala duten pertsonentzat. Udalerriko ondare historikoaren garrantzia nabarmentzea izango da helburua eta, horretarako, elementu horiek garbitu, egokitu eta leheneratzeko eta inguruko sasiak kentzeko lanak egingo dira.
Muga, Euroeskualdea
Otsondo mendatean, Baztan Haranean, kokatuko da Pirinioetako Mugako auzolandegiaren egoitza (Nafarroa – Akitania Berria – Euskadi Euroeskualdea). Auzolandegia memoria historikoaren ingurukoa izango da eta Nafarroako Pirinioetako bunkerrak leheneratzea izango du ardatz. 2022ko abuztuaren 1etik 15era bitartean egingo da eta 14 eta 17 urte arteko 25 gazte arituko dira, euskaraz, gaztelaniaz eta frantsesez.
Mendi arteko tokia da, Otsondo mendatean, Nafarroako iparraldean. Baztan Haranaren parte da. Hurbil daude Urdax eta Zugarramurdiko haitzuloak, Amaiurko gaztelua, Elizondo, Arizkun, Sara, Dantzarinea, Erratzu, eta abar. Oso hurbil daude, halaber, Donibane Lohizune, Hondarribia, Hendaia eta Biarritzeko hondartzak.
Inguru horretako larre, baso eta mendietan iraganeko bunkerrak eta hormigoizko barrakoiak ikus daitezke. 1930eko hamarkadaren amaieran hasi, eta 1940ko eta 1950eko hamarkadetan eraiki ziren. Francoren diktadurak muga ixteko eta gotortzeko egindako ahaleginaren isla dira. Izatez, milaka bunker eta egitura militar eraiki zituen (10.000 baino gehiago), baita errepideak Pirinio osoan zehar ere.
Auzolandegiak gotorleku horietako batzuk garbitu, leheneratu eta dokumentatu nahi ditu. Gotorleku horiek Lapurdi, Zuberoa eta Behe Nafarrora begira dauden altuerak kontrolatzen dituzte, baita hegoaldeko babesguneak ere, balio estrategiko handiagatik egitura kopuru handia biltzen duen espazio txiki batetik. Errepideak Otsondo mendatea zeharkatzen du, mugarako bidean. Zeregin hori osatuko da gotorleku horien guztien eraikuntzari buruzko azalpenekin, garaiko dokumentazioarekin, miaketa arkeologikoaren oinarrizko nozioekin eta zenbait bisitarekin.
