Urtero bezala,udalak dei egiten die, datorren ikasturtean Azpeitian ikastaroren bat eman nahi dutenei, proiektua aurkeztera. Aukeraketa fasean sartu ahal izateko, honako baldintzak bete behar dira:Batzorde teknikoak erabakiko du zein ikastaro onartu eta zein baztertu. Batzorde tekniko hori parekidetasun teknikariak, hezkuntza teknikariak eta Gizarte Zerbitzuko teknikari arduradunak osatuko du. Aukeraketa egiteko garaian irizpide hauek hartuko dira kontuan:
• Ikastaroa emateko esperientzia izatea.
• Hezkuntza sailaren iritziz, programa honetan eman diren ikastaroen arrakasta.
• Ikastaroa eskaintzeko malgutasuna aurreko urteetan parte-hartzaileak egindako eskaerak kontuan izanik.
• Ikastaroaren jarraikortasuna.
• Ikastaroak eskaintzen dituen onurak partehartzaileentzat (baloreak eta printzipioak). Inolaz ere ez dira kontuan izango berdintasunaren aurkako eskaintza baztertzaileak.
• Ikastaroak sormena eta berrikuntza bultzatzea.
Aurkeztutako eskaerak irizpide horien arabera erabakiko dira, eta behar bezala arrazoituko dira.
Udalak betebehar hauek eskainiko dizkie:
• Ikasturte hasieran herritarrei ikastaroen berri emango die urte bakoitzean zehaztuko den bitartekoen bidez.
• Ikastaroa eskaintzeko egokia izango den lokal baten erabilera lagako dio.
Ikastaroa emango duenak betebehar hauek izango ditu:
• Lokala txukun mantentzearen ardura izango du.
• Ikasleen zerrenda aurkeztu beharko du udaletxean.
• Ezingo du inolako produktu edo zerbitzurik saldu.
• Udalak utzitako lokala beste batekin partekatzen badu, bestearen materiala errespetatu eta gunea garbi mantendu beharko du.
• Edozein arazo sortuz gero, abisua emango du.
