Tokiko Gobernu Batzordeak onartu du Ibai parkea eta Lugaene 27 pasealekua lotzeko proiektua. Proiektu hau Leonora R.Poncek idatzitakoa da, 225.538 euroko aurrekontua du, eta lanek hiru hilabeteko iraupena izango dute.
Donostiako alkate Eneko Goiak azaldu du, proiektuari esker Lugaene eta Txominenearen arteko lotura hobetu ahal izango dela. Gainera, proiektuak kontuan hartzen ditu etorkizunean eremuan egingo diren hirigintza garapen berriak – hain zuzen ere, ibai parkeari eragingo ez diotenak –, eta era berean, Urumeako ibarraren inguruan doan oinezkoentzako zein bizikletentzako ia 7 kilometroko ibilbidea zabaldu eta amaitu ahal izango da.
Ibilbidea egungo kartzelaren atzealdean dagoen eremua gurutzatuko du eta baso txiki baten bidez Donostia Arraun Lagunakeko egoitzara darama. Eta handik Lugaeneko zubiraino.
Proiektuan bi jarduketa ardatz daude: lehena, Lugaene eta egun dagoen oinezkoentzako zein bizikletentzako bidea da; eta bigarrena, Parfer izeneko eraikina eta Txomineneako ibai parkea lotzen dituen bidea. Biek bi bide izango dituzte, bat oinezkoentzat eta bestea bizikletentzat.
Goizaldiak
Tokiko Gobernu Batzordeak onartu du Eder Arretak, S.L. enpresari “Adineko pertsona zaurgarriei eguneko arretako zerbitzua (GOIZALDIAK)” kontratua esleitzea.
Kontratu honek 2 urteko iraupena izango du, eta luzatu ahal izango da. Hala, gehienez ere, urtebeteko iraupena izango duten bi luzapen izango dira.
Hileko prezio unitarioa 1.760 eurokoa da, eta urteko lizitazioa 154.730 eurokoa.
Turismoaren Arretarako Bulegoa
Tokiko Gobernu Batzordeak onartu du Udaletxeko beheko solairua eraberritzeko eta bertan Turismoaren Arretarako Bulegoa egokitzeko proiektuari dagozkion obrak gauzatzea xede duen kontratazio espediente berria.
Lizitazioaren aurrekontua 1.942.000€koa da, eta kontratuaren gauzatze-epea 8 hilabetekoa.
Grupo Irurak delakoa
Tokiko Gobernu Batzordeak onartu du Grupo Irurak delakoaren arkitektura oztopoak egokitzeko eta lurzorua berritzeko proiektu eguneratua.
Bide Publikoetako Zerbitzuak idatzi duen proiektu honek aurrekontu berria du: 204.377€
Herrera Pasealekua
Tokiko Gobernu Batzordeak onartu du Herrako Pasealekua, 49 zenbakitik 71era hobetzeko proiektu eguneratua onartzea.
lvaro Garca Gonzlezek idatzi duen proiektu honek ere aurrekontu berria du: 395.500€.
2022/07/19-an argitaratua
