Azpeitiko Udalak eta herriko ikastetxeetako arduradunek egindako ikasturte amaierako azken bileran, datorren ikasturtean, DBHko maila guztietako ikasleei zuzenduriko Hedatze Programa landu dute. Ikasturte berriarekin batera jarriko du abian, Eusko Jaurlaritzaren Hezkuntza Sailak eta bi ikastureteren ondoren arrakastaren arabera, jarraitzeko aukera izango du. Proiektuaren helburua da ikastetxeei irakastorduak eta irakastorduak ez diren une hezitzaileak uztartzeko aukera zabaltzea. Hala, hezkuntza komunitaterako elkarlana erraztu eta herriko ikasleekin proiektu ezberdinak landu ahal izango dira.
Azpeitiko DBH ikasle guztiek goizez klaseak izango dituzte eta arratsaldeko saioetan errofortzu tailerrak eta bestelako tailerrak eskainiko zaizkie. Hedatze programarekin ikastetxe bakoitzak beren tailer propioak izango dituzten arren, Udalaren laguntzaz herriko ikastetxeetako ikasleek komunean tailer ezberdinez gozatu ahal izango dute, ikasturtearen azken astean antolatutako tailerrekin egin bezala. Dagoeneko, Kulturaz Kooperatibarekin elkarlanean kultur sormen tailerrak antolatu dira eta datorren ikasturterako kirol eta kultur jarduerak zein euskara errefortzuak antolatzeko lanetan ari dira ikastetxeak eta udala.
Tailerrak doakoak izango dira eta ikasle guztiek partehartu ahal izango dute. Hedatze proiektuak Hezkuntza komunitatera zabaltzera lagunduko du, gizarteari irekitako hezkuntza bultzatuz: familiek zein kanpoko eragileek parte hartuko dute, elkarbizitzarako positibo izanik.
Beharra dutenentzat errefortzua
Hedatze programa indagune nagusia errefortzu tailerretan jartzen da. Ikasketetan kili-kolo dabiltzanentzat errefortzu tailerrak derrigorrezkoak izango dira. Ikasgai guztietan errofortzu tailerrak eskainiko dira eta irakasleen jarraipen zuzena izango dute.
Ikasgai orduak goizez izan arren, ikastetxeen ordutegia arratsaldeetara ere luzatuko da, beraz,(15:00-17:00) errefortzu eta bestelako tailerrak emateko.
