Igande honetan Hondarribian Hegaluze Eguna ospatzeko antolatu diren ekitaldien berri eman da gaur goizean. Horren bidez, baxurako arrantzaren historian Hegaluzeak duen garrantziaz kontzientziatu nahi dira herritarrak, batez ere gazteenak, gure arrantzaleentzat kanpainarik garrantzitsuena baita.
Aurkezpen prentsaurrekoan Eusko Jaurlaritzako Nekazaritza, Arrantza eta Elikagaien Politikako sailburuordea, Bittor Oroz; Hondarribiko alkatea, Txomin Sagarzazu eta Hondarribiko Done Pedro Kofradiako idazkaria, Amaia Ausan, izan dira.
Oroz sailburuordeak udako hegaluze-kanpainaren lehen balorazio positiboa egin du, Euskadiko flotak 2.794.184 kilo arrantzatu ditu. Hau da, 5 milioi kilotik gorako Espainiako flotaren harrapaketa guztien % 54,5, estatuak duen 18.000 tonako kuotatik, aurreko urtean baino % 9ko kuota handiagoa. Aurtengo batez besteko prezioa, orain arte, 4,25 €/ kilo da. Kanpaina ona aurreikusten duten datuak dira.
“Euskadiko arrantzaleen lana defendatu nahi dugu. Zentzu horretan, azken urteetako ildoari eutsi nahi diogu indarrez, eta horregatik Eusko Label bereizgarriarekin ahalik eta pieza gehienak identifikatzen dira. Horrela, arrandegietara doazen kontsumitzaileek ziurtasun osoz jakin ahal izango dute erosten ari diren hegaluzea gure arrantzaleek harrapatutakoa dela, hau da, Euskadiko hegaluzea dela eta kalitatekoa. Orain hegaluzearen garaia da, eta Eusko Labela duen hegaluzea kontsumitzeko eskatu nahi nuke, gure arrantza artisautzakoa ez ezik iraunkorra izaten lagundu ahal izateko”, nabarmendu du Oroz sailburuordeak.
Igandean, Hondarribian, gure arrantzaleen lanari balioa emango zaio hainbat jardueraren bidez, hala nola Kofradia-Itsas Etxeak sortutako «Izan Arrantzale» ekimenaren bidez. Horren bidez, haurrek arrantzako lanak, Hondarribiko saregileen lanaren erakustaldiak, Getariako Txakolina JDko txakolin dastaketa, Euskal Sagardoa Jatorri Deiturako sagardoa eta baxurako Garaizabal bonitoko hiru hamatila egiten dituzte.
