Europako Batzordeak 2022ko ekainean argitaratu zuen bere txosten estrategikoa, borondatezko txostenei buruzko bilakaera eta jardunbide egokiak jasotzen dituena, bai eta EBko estatu, eskualde eta hiri batzuek egindako ezarpena eta GJHen agendak ezartzen dituen erronkei emandako erantzuna ere. Txosten hori Europako erakundeek 2020ko otsailean argitaratutako lehen txostenaren bilakaera da. Txosten horretan, era berean, Euskadi aipatzen eta nabarmentzen zen GJHen ezarpenari buruzko jarraipenezko eta borondatezko txosten bat, VLR bat, argitaratu zuen mundu mailako lehen gobernu azpi-nazional gisa, 2017an, eta lurralde nagusi gisa egindako segidako txostenen kopuruaren arabera.
2022ko ekainean argitaratutako txostena EBko estatu guztiek parte hartuko duten EBren lehen txosten globalaren oinarria eta abiapuntua izango da.
Bigarren VLR txostenari dagokionez, Euskadiri buruzko aipamenak honako hauek dira:
– Euskadi, mundu mailako lehen eskualdea izan zen bere VLR argitaratzean, 2017an;
– VLR txostenak urte gehiagotan egin diren lurraldeetako bat da,
– 2030 agenda errotzea eta GJHen jarraipena egitea Euskadin agenda estrategikoekin, bai Eusko Jaurlaritzan, bai aldundietan eta udalerrietan.
Eusko Jaurlaritzak ibilbide luzea egin du lankidetzan Europako erakundeekin eta Nazio Batuekin, bai eta sare espezializatuen eta PLATFORMAren (garapenerako lankidetzarako Europako plataforma) bidez ere, 2030 Agendak ezartzen dituen erronkei erantzuteko eta estatuz azpiko agintariek eman dezaketen rol eta erantzun zehatzean eragiteko. Era berean, elkarrizketa estua dago Europako erakundeekin, lanean jarraitzeko eta aurrera egiteko, eta horren inguruan abian jarritako lankidetza- eta komunikazio-kanaletan parte hartzeko.
Nabarmendu behar da EBk, Europako seihilekoaren mekanismoaren bidez, bere politika sektorialen jarraipena, erreformak eta koordinazioa proposatzen dituela GJHei eta 2030 Agendari erantzun zehatzak emateko. Baita, EUROSTAT estatistika-zerbitzuaren bidez, 2022an zenbait txosten argitaratuz, estatuen araberako datu estatistikoak jasotzen ditu, helburuen arabera.
