1,5 M » Ekodiseinua eta Demostrazioa Ekonomia Zirkularrean, Ekoberrikuntza Estrategikoa eta ETE Zirkularrak abiarazteko

Por
agenciadenoticias.es
-
0
PRUEBA

Gobernu Kontseiluak Ekonomiaren Garapen, Jasangarritasun eta Ingurumen Sailaren agindua onartu du. Agindu horren bidez ekonomia zirkularra berritzeko 1.500.000 euroko dirulaguntzen oinarri arautzaileak ezartzen dira eta deialdia egiten da.

Jarduketa-ildoak honako hauek dira:

    1. ildoa: Ekodiseinua eta Demostrazioa Ekonomia Zirkularrean

 

    1. ildoa: Ekoberrikuntza Estrategikoa

 

    1. ildoa: ETE Zirkularra

 

Laguntzek Ekonomia Zirkularrerako Estrategiari eta Euskadiko Ekonomia Zirkularraren eta Bioekonomiaren 2030erako Planari erantzuten diete, eta honako helburu hauek betetzea dute helburu:

    • Produktibitate materiala % 30 handitzea

 

    • Materialen kontsumoarekin lotutako karbono-emisioak % 26 murriztea

 

    • Material zirkularraren erabilera-tasa % 30 handitzea

 

    • Hondakinen sorrera % 30 murriztea

 

    • Euskal Autonomia Erkidegoan fabrikatutako produktu zirkularrenen fakturazioa hirukoiztea

 

    • Enplegu zirkularra % 15 handitzea

 

Helburu eta emaitza zirkular horiek lortzeko, besteak beste, Euskadiko Ekonomia Zirkularrerako Estrategia 2030 deitutakoan ezarritako lehentasunezko esparruetara bideratutako jarduketa berritzaileak bultzatu behar dira enpresetan, Europar Batasunaren erregulazio edo preskripzio-tresna bat egotearen, euskal ekonomiarako aukera baten eta soluzio ekoberritzaileak bizkortzeko lankidetza publiko-pribatuaren beharraren arabera.

Ekoberrikuntza bultzatzeko bi etapa behar dira:

    1. Erronka zirkular espezifiko baterako “soluzio teknologiko berrien garapenaren” etapa, Europar Batasuneko tresna berde berriekin lerrokatua, gainerako euskal enpresentzat ekoberrikuntza zirkularrean enpresa aitzindari eta erreferenteen talde bat sendotuz. Soluzio horiek ekodiseinuko, ekonomia zirkularreko demostrazioko edo ekoberrikuntza estrategikoko proiektuen bidez garatzen dira.

 

    1. Ekonomia zirkularraren arloan garatutako “soluzio teknologiko edo metodologiko berritzaileak eraginkortasunez lehentasunezko balio-kateetako euskal ETE kopuru handi bati transferitzeko” etapa, bitarteko eragileen (klusterrak, enpresa-elkarteak, eskualde-agentziak…) beharrezko parte-hartzearekin.

 

Dirulaguntzen deialdi honek bi etapei erantzun nahi die, hiru proiektu-ildo nabarmenen bidez: Ekodiseinua eta Demostrazioa Ekonomia Zirkularrean; Ekoberrikuntza Estrategikoa eta ETE Zirkularra.

Eskaeren aurkezpena

Dirulaguntza horiek kudeatzea eta aurkeztutako eskabideak aztertzea eta ebaluatzea Ekonomiaren Garapen, Jasangarritasun eta Ingurumen Saileko Ingurumen Kalitatearen eta Ekonomia Zirkularraren Zuzendaritzari dagokio, IHOBEren laguntzarekin.

Hiru ildoetarako eskabideak aurkezteko epea hilabetekoa izango da, Agindua EHAAn argitaratzen denetik zenbatzen hasita.

Eskabidea Euskal Autonomia Erkidegoko Administrazio Publikoaren egoitza elektronikoaren bidez soilik eskuratu eta beteko da, helbide hauetan:

https: //www. euskadi. eus/servicios/1030807/ (gaztelaniaz)

https: //www. euskadi. eus/zerbitzuak/1030807/ (euskaraz)

Eskaeraren ondorengo izapideak, espedientearen jakinarazpenak eta kontsultak barne, bide elektronikoz egin eta jakinaraziko dira, Euskal Autonomia Erkidegoko Administrazio Publikoaren egoitza elektronikoko «Nire karpeta» bidez:

https://www.euskadi.eus/micarpeta

https://www.euskadi.eus/nirekarpeta

Proiektuak egikaritzeko gehieneko epea honela arautzen da:

    • ildoa, Ekodiseinua eta demostrazioa ekonomia zirkularrean: 2023ko abenduaren 31

 

    • ildoa, Ekoberrikuntza Estrategikoa: 2024ko ekainaren 30a

 

    • Ildoa, ETE zirkularra: 2023ko abenduaren 31

 

Proiektuak aldian-aldian monitorizatuko dira, Ekonomia zirkularraren estrategian, Ekonomia Zirkularraren eta Bioekonomiaren Planean, eta Eusko Jaurlaritzaren gainerako plan eta estrategietan jasotako ekonomiaren desmaterializazioa eta ekoberrikuntza zirkularra sustatzeko helburuei egiten dieten ekarpena ebaluatzeko.

Lan-ildo horiek azken 5 urteetan Ekodiseinua eta Demostrazioa Ekonomia Zirkularrari lotutako 1. ildoan garatutako 130 proiektu baino gehiagoko esperientzia dute, eta enpresa-partzuergoek Ekoberrikuntza Zirkularraren Programaren esparruan Ekoberrikuntza Estrategikoari lotutako 2. ildoan garatutako 50 proiektu baino gehiagokoa. ETE Zirkularrari lotutako 3. ildoaren kasuan, ehun bat ETEk parte hartu dute tarteko eragile industrialek gidatutako 12 proiektutan.

Laburbilduz, dirulaguntza horien aplikazio-esparrua Euskal Autonomia Erkidegoko industria-enpresetako ingurumen-berrikuntza da, eta helburu hauek ditu:

    • Berotegi Efektuko Gasen (BEG) emisioak arintzea ekonomia zirkularraren bidez, ekoizpen-prozesuetako baliabideen efizientzia barne hartuz.

 

    • Lehengaien kontsumoa murriztea eta, bereziki, lehengaiak ez isurtzea.

 

    • Euskal Autonomia Erkidegoko ekonomia berdea suspertzen, lehiakortasuna hobetzen eta enplegu kualifikatua sortzen lagunduko duten enpresa-jarduera jasangarriak sortzea.

 

    • Lurraldeko ingurumen-erresilientzia handitzea, merkatu globalean erreplikagarritasun handia duten soluzio teknologiko berritzaileen bidez.

 

    • Enpresen arteko lankidetzak sendotzea, Europako tresna zirkularren ondoriozko erronkei eta aukerei aurre egiteko.

 

Artículo relacionadosMás del autor