Horietatik 166 Bizkaian detektatu dira, 26 Araban eta 26 Gipuzkoan; bakar batek ere ez du lotutako konplikazio larririk izan
Atzo arte, Euskadik 745 dosi jarri ditu, eta txertaketarekin jarraitzen du
Euskadin detektatu diren tximino-baztangaren (MonkeyPox) infekzio-kasuak 243 dira urriaren 26an. Horietatik 166 Bizkaian detektatu dira, 51 Gipuzkoan eta 26 Araban. 236 gizon eta 7 emakume dira, eta gehienek sintoma kliniko arinak izan dituzte, eta etxean isolatzeko agindu zaie eta Osakidetza jarraipen anbulatorioa egiten ari zaie.
Euskadi abuztuaren lehen astean hasi zen txertaketarekin, txertoen lehen dosiak jaso ondoren eta Osasun Publikoko Batzordeak onartutako txertaketa-gomendioetan jasotako irizpideei jarraituz. Txertaketarekin jarraitzeko, pertsona hautagarrien kaptazio aktiboa egiten da, eta Osakidetzatik harremanetan jartzen dira MPX txertoa jartzeko txertoen batzordeak prestatu dituen eta Osasun Publikoaren Batzordeak onartu dituen gomendioetan jasotako irizpideak betetzen dituzten pertsonekin. Atzo arte, Osakidetzak 745 dosi jarri zituen guztira: Bizkaian 461, Araban 76 eta Gipuzkoan 208.
Osasun Sailaren webgunean azalpen-atal bat dago monkeypox txertaketari buruzko informazio pedagogikoa eta kontaktuek edo gaixotasunarekin kutsatutakoek jarraitu beharreko jarraibideak biltzen dituena.
Osasun Sailak informazioa ematen jarraituko du, orain arte egin duen bezala, berri aipagarriren bat dagoenean.
