Gobernu Kontseiluak 80.000 euroko dirulaguntza zuzena onartu dio Colectivo Ovejas Negras erakundeari, “Hegoaldera etortzea” izena duen IV. Latinoamerikako eta Karibeko topaketa Lesbitransinter Feminista finantzatzeko. Laguntza honen bidez, eLankidetzak-Garapenerako Lankidetzaren Euskal Agentziak, Berdintasunerako, Justiziarako eta Gizarte Politiketako Sailean dagoena, lagunduko du Latinoamerikako ekintzaile lesbianek eta transexualek egiten duten lana eta sexu- eta genero-aniztasunaren inguruko sareak sortzera.
Gaur egun, aktibismo feministak Latinoamerikan eta Karibean gero eta indarkeria-bolada handiagoari aurre egin behar dio, ekintzaile lesbianek eta pertsona transexualek jasaten duten arrisku-egoera areagotuz. eLankidetzak ekimen hau babestu nahi du, egoera horren aurrean erakundeen horien arteko harremana indartzea ezinbestekoa delako, eta ez bakarrik erakunde horiek politikoki indartzeko, baizik eta gero eta beharrezkoago den autozainketa-sare eratzeko ere.
Topaketa Montevideon egingo da 2022ko abenduaren 2tik 4ra, eta 15 herrialdetako 700 pertsona inguruk parte hartzea espero da. Ekimena 2010ean hasi zen, eta Latinoamerikako eta Karibeko hainbat kolektibo eta pertsona feminista biltzen dituen prozesu kolektibo baten bidez antolatzen da.
eLankidetzaren helburutako bat da sexu- eta genero-aniztasunaren ikuspegian sakontzea eta pobretutako herrialdeetako erakundeei laguntzea, beren lurraldeetako eta euskal erakundeekin batera lan egin dezaten.
