EAEko biztanle gehienek (10etik 7k) uste dute erabakiek eragin handia edo nahikoa dutela EBn, eta euskal erakundeen parte-hartze handiagoa eskatzen dute erabakiak hartzeko orduan; izan ere, inkestatutako pertsonen erdiak baino gehiagok (% 56k) uste du Euskadik gaur egun betetzen duen zeregina ez dela nahikoa. Eusko Jaurlaritzako Prospekzio Soziologikoen Kabineteak Euskadiko biztanleek Europar Batasunari buruz dituzten jarrerak eta iritziak ezagutzeko egindako inkesta baten datuak dira.
Azterlanaren arabera, Europarekin zerikusia duten gaiekiko interesa handia eta gero eta handiagoa da denboran, eta Europar Batasunaren irudia ere hobetu egin da 2018ko neurketarekin alderatuta.
EBri eta Ukrainako gerrari buruz, galdetutakoen % 49 ados daude Europar Batasunak Errusiak Ukraina inbaditu izanari emandako erantzunarekin; % 36, berriz, ez daude ados. Era berean, % 50ek egoki ikusten dituzte Errusiari jarritako zigorrak, eta % 35ek desegokitzat jotzen dituzte.
