Bilboko BBK aretoan egin den eta María Menchaca buru duen topaketan, Artolazabalek adierazi du ez dela ezer aldatuko pertsona eta kolektibo ahulenei laguntzeko premian. Eusko Jaurlaritzak eta Menchaca-Fundazioa bezalako gizarte-erakundeek egunero lan egiten dugu elkartasunean eta behar handiena duten pertsonei eta gizarteei babesa ematen.
“Beharbada, gizarteak, herrialdeak edo estatuak erabat aldatzen ari dira kontzeptu tradizional asko edo ohituta geunden egoerak. Agian Gizateriaren garai berri batean gaude, harreman modu desberdinekin, baina hori beti gertatu da historian. Orain ditugun ezagutza eta praktika guztiak kontuan hartuta, gure gizarteek arreta handiagoa jarri behar dute desberdintasunak murrizten eta mundu irekiago eta iraunkorrago bat sortzen”.
36 gizarte-erakunde bultzatzea
Artolazabal´ek Menchaca Fundazioa zoriondu du gehien behar dutenei elkartasuna eta babesa sustatzeagatik. Aurten bakarrik, Antonio Menchaca Fundazioak 36 erakunderi lagundu die zuzenean.
“Gizarte-ekintzan lan egiten duten elkarteak eta pertsonak dira, eta gizartean baztertuta dauden pertsonei eta beren jarduerak aurrera eramateko bestelako laguntza ekonomikorik ez dutenei laguntzen diete. Ekimen hori eskertu egiten da, eta Eusko Jaurlaritzak eta bere Berdintasun, Justizia eta Gizarte Politiketako Sailak bereziki aitortzen degu konpromiso eta bokazio hori”.
Euskadiko Gizarte Politiken arduradun nagusiaren arabera, Estatuko eta Europar Batasuneko gizarte garatuenen eta aurreratuenen artean Euskadiko duen posizio positiboa nabarmentzen da askotan, egia da. Baina hemen ere, Euskadiren antzeko herrialdeetan bezala, badira giza behar eta desberdintasunak, eta erakundeetatik eta Antonio Menchaca Fundaziotik, esaterako, horiek murrizten saiatzen gara.
Beharra duen biztanleria
Artolazabalek gogorarazi du “aste honetan bertan -joan den asteartean- gure Planetak 8 milioi biztanle baino gehiago zituela. Duela 52 urte, 1950ean, erdia baino gutxiago zegoen: 2.500 milioi pertsona Lur osoan. Munduko biztanleriaren aurrekaririk gabeko hazkundea da. Gainera, gizarte aurreratuetan, bizi-itxaropenak gora egin du pixkanaka, osasunean, nutrizioan, ohituretan, higienean eta medikuntzan izandako aurrerapenengatik. Baina hori gizarte aurreratuetan bakarrik gertatzen da. Gizarte horiek, aurrera egin duten arren, desberdintasun handiak dituzte”.
“Garapen sozialari dagokionez, herrialde pobreenetan, baliabide naturalak dituzten arren, beren populazioek ez dute onurarik lortzen beren aberastasun eta potentzialean. Hor zentratu behar du munduko gizarteak bere begirada. Euskal gizarteak, hasteko, hementxe bertan egin behar du, aukera gutxien dutenei lagunduz, zuen Fundazioak eta gaur egun aitortuta dauden elkarteek egiten duten bezala”.
Artolazabal sailburuak azaldu duenez, “NBEk desazelerazio demografikoa iragarri du munduan: hamabost urte beharko dira 2037an 9.000 milioi biztanle izateko. 10.400 milioi pertsona izango dira 2080ko hamarkadan, eta, ondoren, geldialdia etorriko da mende amaierara arte. Bistan denez, populazio-aldaketa horiek guztiak gorabehera, desberdintasunak ez dira ugaltzen”.
