Gobernu Kontseiluak Luzaro, Establecimiento Financiero de Crédito SA enpresari 25 milioi euroko abala ematea onartu du gaur, Europako Inbertsio Bankuaren (EIB) aurrean aurkezteko. Kreditu-lerro bat, Euskal Autonomia Erkidegoko ETEen garapena babesteko, horiei finantza-sektoreak eskaini ohi dituenen gehigarri diren euren inbertsio-proiektuetarako finantzaketa-bideak erraztuz.
Luzaro EFC Instituto Vasco de Finanzas-Finantzen Euskal Institutuaren % 17,65eko partaidetza duen finantza-erakunde bat da.
Finantzaketa-bide horiek, funtsean, partaidetzako maileguak deiturikoak ematean gauzatzen dira. Mailegu horien bereizgarri dira dirua itzultzeko epe luzea, amortizazio-gabezia luzea eta kostu aldakorra; hori, neurri batean, ETE onuradunak maileguaren bizitzan zehar lortzen dituen etekinei lotuta dago.
Luzaro EFCri emandako kreditu-lerroa —Euskal Autonomia Erkidegoko Administrazio orokorrak emandako abalarekin—, gehienez ere 12 urteko epera formalizatuko da, operazio amortizagarrietarako, 4 urte eta 8 urteko gehieneko gabealdiarekin guztizko amortizazioa duten operazioetarako, eta xedapen partzial desberdinetan ordainduko da 2023an eta 2024an.
