Bilbon “Erasmus+ 2022. Europarako leihoak irekitzen” jardunaldia egin ad, Hezkuntza Sailak antolatuta. Topaketan Euskadiko 110 ikastetxe baino gehiago elkartu dira Bilboko Burtsaren eraikinean, eta bertan izan da Amaia Agirre Eusko Jaurlaritzako Ikaskuntzaren eta Hezkuntza Berrikuntzaren zuzendaria.
Ekitaldian ERASMUS+ errekonozimendua banatu zaie 26 ikastetxeri, estrategia europarrean datozen 6 urteotarako hartu duten konpromisoarengatik. Gaur egun Euskadiko 70 bat ikastetxek –horien artean daude gaur Europar Batzordearen errekonozimendua jaso duten 26ak– parte hartzen dute Europako proiektuetan Erasmus+ programaren barruan.
Gainera, jardunaldian Europako Batzordearen hezkuntza-programa honek eskaintzen dituen aukera guztiak aztertu ahal izan dituzte, eta parte hartzeko moduak eta dirulaguntzak eskatzeko prozedurak ere azaldu dituzte.
Erasmus+ 2022. Europarako leihoak irekitzen
Gaur egungo gizartea erritmoa bizian aldatzen ari da, aurrerapen teknologikoak, globalizazioaren hazkundea eta migrazioa direla eta. Testuinguru horrek aukera berriak sortzen ditu, baina baita erronka berri handiak ere.
Hezkuntzaren esparruan ikastetxeen nazioartekotzea bultzatzeko ari gara lanean, hezkuntza-komunitateari eta, bereziki, ikasle eta irakasleei testuinguru honetara egokitzeko aukerak emateko, ikas-irakaskuntza modu berriak ezagutzearen eta herrialde eta kulturen arteko komunikazio eta elkarlana sustatzearen bidez.
