Jaurlaritzaren Kontseiluak Turismo, Merkataritza eta Kontsumo Sailaren proposamena onartu du, CECOBI, Bizkaidendak, Arabadendak eta Aenkomer merkataritza-sektoreko elkarteekin 2023rako hitzarmenak sinatzeko programak luzatzeko. Hitzarmen horien xedea da erakunde horien egitura finantzatzea eta gobernuarekin lankidetza aktiboa izatea estrategia sektorialak garatzeko eta merkataritza-sektorea sustatzeko.
Luzapen-gehigarri horrek Turismo, Merkataritza eta Kontsumo Sailak elkarte horiekin duen lankidetza-esparruari eustea dakar, lehiakortasuna hobetzeko eta euskal merkataritza-sektorea bultzatzeko eta merkataritza-elkarte horiek sektoreko eragile aktibo gisa sendotzeko.
Gehigarriak ez du eduki ekonomikorik, EAEko 2023rako Aurrekontu Orokorrak onartu ondoren dagokion emakida-aginduan ezarritakoa izango baita.
