Gym Berdea Larrabetzuko mahai sektorialek (Nekazaritza, Ingurumena, Tokiko Garapena eta Kirola eta Osasuna) gauzatutako lankidetza-proiektua da.
Osasuna eta zahartze aktiboaren sustapena, garapen komunitarioa eta udalerria edertzea lorategi eta basoaren eremuan egindako esku-hartzeen bidez, Larrabetzuko komunitatea ilusionatzen eta mobilizatzen dituzten helburuak dira.
Gym Berdea naturarekin kontaktuan dagoen aire zabaleko proposamena da, jardueraren ardatz gisa lorategiko eta basoko lana hartzen duena. Ariketa fisikoa egitea eta Naturaren aldeko lorezaintza ikastea (Jardiekologia) talde-jarduera dibertigarria eta osasungarria da.
Berrikuntza gisa, 2022-2023ko edizio honetatik aurrera, Gym Berdea eskola-eremura zabalduko da, ikasturtean zehar 12 saio gehiago eginez.
Proiektuaren helburuak ikasleen eta lurrarekiko lanaren arteko lotura ezartzea da, zehazki lorategiaren eta basoaren eremuan, eta gorputza lantzeko eta osasuna sustatzeko beste modu bat eskaintzea ikuspegi integral batetik.
