Osasun Sistema Nazionalean Osasun Sustatapenaren eta Prebentzioaren Estrategiak, 2013an onartutakoa, jarduera fisikoa lehenesten du jorratu beharreko faktoreetako bat bezala. Marko horretan, 2015ean, Osasunerako Jarduera Fisikoari eta Sedentarismoa eta Pantaila-denbora murrizteari buruzko lehen gomendio nazionalak sortu ziren biztanleria guztiarentzat, jaioberrietatik 65 urtetik gorako helduetaraino.
Lan horrek Estrategian lehenetsitako esku-hartze mota bati erantzuten zion: “Jarduera fisikoaren gomendioei buruzko informazioaren hedapena adin-taldeka”. Bertan, jarduera fisikoari buruzko gomendioak egin behar direla adierazten da, adin-taldeka, eta informazioa herritar guztiei helarazteko moduan zabaldu behar direla.
Gomendio nazional horiek nazioarteko gomendioetan oinarritu ziren (Osasunaren Mundu Erakundea (OME), Kanadako Osasun Publikoaren Agentzia, AEBko Osasun Departamentua, Erresuma Batuko Osasun Sistema Nazionala, etab.), gure inguruko biztanleriaren errealitatera egokituta.
Argitalpen hau gomendioak eguneratzearen ondorio da, sortutako ebidentzia berriaren eta jarduera fisikoari buruzko OMEren eta nazioarteko beste erakunde batzuen gidalerroen argitalpenetan oinarrituta.
Hemen aurkituko duzu dokumentu osoa.
