- Arantxa Tapia Ekonomiaren Garapen, Jasangarritasun eta Ingurumeneko sailburua elkarrizketatu dute gaur goizean Radio Vitorian, eta nabarmendu du oso garrantzitsua dela Euskal Industria laguntzea eta babestea, etxeko lanak egiten ari baita eta dagoeneko emisioak % 48 murriztu baititu
- Eusko Jaurlaritzaren ETEentzako Laguntza Planak Euskadiko 8.000 enpresatara iritsi nahi du, gutxienez
- Azazeta eta Labrazako parke eolikoek ingurumen-adierazpena dute, eta neurri zuzentzaile eta konpentsatzaileak ezarrita, aurrera jarraitzen dute
Ekonomiaren Garapen, Jasangarritasun eta Ingurumeneko sailburu Arantxa Tapiak gaurkotasuna aztertu du gaur goizean Radio Vitorian egindako elkarrizketa batean, eta honako hauek nabarmendu ditu:
Industria-trantsizioa
“Estatua Oil and Gas-eko enpresei traba gehigarriak jartzen ari zaie, baina gogoratu behar da gasa trantsizio-energia gisa definituta dagoela une honetan”.
“Euskadin erreferentziazko enpresak daude Oil and gas sektorean. Mundu osoko gasa erosten ari gara, berogailuetarako eta ekoizpen-prozesuetarako behar dugulako. Ez diezaiogun kalterik egin gure produkzio-ehunari, gure ongizatearen kaltetan lan egingo dugulako. Gure enpresek egiten ez dutena beste batzuek egingo dute. Denbora eta trantsizioa behar dute. Ezin dugu gure industria galdu. Lan egin behar da frantsesek, alemanek eta austriarrek egiten duten bezala. Gure gizarte-ongizatea industriaren mende dago”.
“2050erako Net Zerorako trantsizioaren alde gaude, baina gure produkzio-sektoreari kalterik egin gabe. Enpresak dibertsifikatzen ari dira, baina trantsizio horretarako denbora behar dute. Administrazio gisa, kolaboratzaileak izan behar dugu, industriak egiten ari den trantsizioa egin dezan. Dagoeneko % 48 murriztu dituzte isurketak 2005 eta 2020 artean. Etxeko lanak egiten ari dira. Baina, betiere, enplegua eta ekoizpen-sarea babestuz”.
ETEentzako Laguntza Plana
“Hau hirugarren deialdia da; gure ETEen behar guztiak aztertzen ditugu eta erantzun globala ematen dugu. Eskatzen errazak diren laguntzak dira, azken ETEra iritsi arte. Eusko Jaurlaritzak enpresei lagundu nahi die bizi garen trantsizioetan, eta aurten 8.000 ETE baino gehiagotara iristea espero dugu, iaz bezala”.
«Parke eolikoak: Axeindarrek 2025eko datari eusten dio Azazeta eta Labrazako parke eolikoak martxan jartzeko? “Baietz espero dugu. Ingurumen-adierazpena badute, neurri zuzentzaile eta konpentsatzaileak ezarrita. Lanean ari gara”
“Enpresa berak bi proiektu eoliko ditu Azpeitian eta Aramaion, Azpeitikoa txikiagoa da eta baimenak Eusko Jaurlaritzarenak dira, Aramaiokoa handiagoa denez, baimenak Estatuarenak dira. Azpeitikoa izapidetzen ari gara, oso fase hasiberrian oraindik”.
Gardelegi
“Udal zabortegia da eta Gasteizko Udalak du azken hitza. Eusko Jaurlaritzak amiantoa duten instalazio guztien inbentarioa egin behar du. Amiantoa jaso eta baztertu egin behar da, gaur egun ez baitu tratamendurik. Beti elkarrizketa eta akordioa bilatuz. Logikoena hurbilen dagoen zabortegian gordetzea dela uste dugu, hau da, Gardelegin. Tratatzeko aukera egon arte. Ingururako irtenbiderik onena hondakinak hurbil gordetzea dela uste dugu, zaborra lurralde batetik bestera eraman gabe. Sortzen ditugun hondakinen erantzule egin behar dugu. 2030. urtean oso isurketa gutxi egin beharko genituzke, Hondakinen Planaren ereduari jarraiki, eta, bitartean, hondakinen turismoa saihestu.
