Euskal Herriko Unibertsitateko Psikologia Fakultateko sei graduatu eta Psikologia Fakultateko titulatu bat lehen ehunen artean geratu dira berriki egindako BAFEko (Barneko Farmazialari Egoiliarra) eta BAPEko (Barne Psikologo Egoiliarra) azterketetan, hurrenez hurren. Lehenen artean Ilargi Zipitria Sinde nabarmentzen da, BAFEko seigarren notarik onena lortu baitu; Raquel Fernández de Gaceo Fernández de Pinedo, bestalde, 27.a izan da BAPEn. BAFEko azterketara 1.599 hautagai aurkeztu ziren, deitutako 308 lanpostuetako batean parte hartzeko. BAPEn eskainitako 231 plazetara 4.073 hautagai aurkeztu ziren.
Farmazian graduatutako pertsona gehienak ez dira BAFEra aurkezten, eta beste farmazia-jarduera mota bat aukeratzen dute. Baina, Mirari Ayerbe Díaz UPV/EHUko Farmazia Fakultateko dekanoak dioenez, “datuei erreparatuz gero, gure sei ikasle proba horretako lehen 100 postuetan egoteak adierazten du, zalantzarik gabe, ikastegi honek ematen duen prestakuntzaren kalitatea goragoko maila batean dagoela. Oso pozik gaude lortutako emaitzekin eta, bereziki, Ilargi Zipitria Sinde ikasle ohiarekin”. Azken horretaz gain, lehen ehunen artean dauden Farmaziako beste bost titulatu daude:: Leire Moreno Compains (36), Iria Arias López (46); Sonia Manso Anda (65); Carlos Gil Moreno (71); eta José Luis Suárez Laguna (77).
Ilargi Zipitriak ez zuen betidanik jakin BAFE egitea aukeratuko zuela: “Zalantza asko neuzkan gradua amaitutakoan egingo nuenarekin, 4. maila amaitu osteko udaran borondatezko praktika batzuk egin nituen Leioako campusean, Neuropsikofarmakologia sailean, bertan egiten duten lana ikusteko, baina horrek ere ez zizkidan zalantzak guztiz argitu. Ondoren, 5. mailako praktika tutelatuak Donostia Ospitaleko Farmazia zerbitzuan egin nituen, eta oso gustura egon nintzen bertan. Orduan erabaki nuen, ospitalean lan egiteko bidea zaila izan arren, behintzat saiatu behar nuela”. Abuztu amaieratik hasita, egunero 10-11 ordu inguru eman ditu ikasten. “Oso garrantzitsua da test galderak egitea, azken finean, azterketaren egunean galderak zuzen erantzuten dituenak lortuko du plaza, eta ez gauza gehiago buruz ikasi dituenak. Beraz, 10 ordu horiek ez nituen apunteen aurrean igarotzen, testak ere asko eta asko egiten nituen, kontzeptu batzuk hobeto barneratzeko bideoak ikusten nituen eta abar”. Oraindik ez daki zein espezialitate hartuko duen (Ospitaleko Farmazia eta Lehen Mailako Arreta, Mikrobiologia Klinikoa, Analisi Klinikoak, Biokimika Klinikoa, Immunologia edo Erradiofarmazia daude aukeran: “Farmazia eta mikrobiologia klinikoa dira gehien gustatzen zaizkidanak, eta litekeena da Euskal Herrian geratzea”.
BAPEn, Raquel Fernández de Gaceoz gain UPV/EHUko beste bost ikaslek lortu dute plaza Gabriela Chotro, Psikologia Fakultateko dekanoa, oso pozik agertu da lortutako emaitzekin. “Gure zorionak Raquel Fernández de Gaceo Fernández de Pinedo, Sara Lombera Arce, Tania Nuñez Silva, Inge Egaña Burgaña, Lorena Díaz Aguirrebeña eta Marina Pascual Marrori. Badakigu osasun-prestakuntza espezializatuko plazak eskuratzeko proba horiek oso zailak direla, eta Psikologia da lehiakorrena, izangaien %5,6k bakarrik lortzen baitute plaza. Horregatik, bereziki baloratzen dugu parte-hartzaile guztien ahalegina, plaza bat lortu duten ala ez; eta pozten gaitu gure ikastegiko sei ikasle horiek lortu dutela jakiteak. Zorionak guztioi eta zorte handia opa dizuegu zuen ibilbide profesionalagatik”.
Raquel Fernández de Gaceoke ere ez zuen laster jakin BAPE prestatuko zuela. “Nik ikerkuntzan jardun nahi nuen, Arabako Osasun Mentaleko Sarean praktikak egin nituen arte, karrera laugarren mailan. Han ezagutu nituen bi egoiliar katalan, BAPEaz hitz egin zidatenak; plaza ateratzea zer zen, zer ate irekitzen zizkizun, zer zailtasun zituen. Osasun publikoan trebatu eta lan egin nahi banuen, egin egin behar nuen, eta hain pozik amaitu nuen praktikekin, non ez bainuen beste aukerarik ikusi. Abuztuan bertan Bartzelonara joan nintzen eta bi neska hauek prestatu ziren akademiara hasi nintzen joaten”. Azterketen prestakuntzaz hauxe dio: “Ordu pila bat ikasi behar da eta, horretarako, gauza askori uko egin, hori ezinbestekoa da. Baina BAPE oso bide luzea da, eta, beraz, beste faktore askok ere laguntzen dute, gutxienez ez abandonatzen; beste oposiziogile batzuekin anabasa egitea, atsedenaldiak errespetatzea, hau zergatik egin nahi duzun gogoratzea eta, agian zailena, lortzeko zeure burua gai izaten ikusteari ez uztea. Alde horretatik, nire gurasoak eta aitona-amonak oso lagungarriak izan dira”. 2018ko udan hasi zen BAPE ikasten, batez beste 10 ordu egunean, larunbatak barne. “Erritmo hori bi urte osoz jarraitu dut, eta beste bi urte erdiz. Azken txanpan (azken hilabetean) goizeko 8:30etik goizaldeko 00:00etara edo 1:00etara ikasten zuen. Kalkulagailua atera dut, eta guztizkoa urte osoko orduak baino gehiago da, erokeria!”. Orain Bartzelonan horrenbeste denbora egon eta gero etxera itzuli nahi du. “Gutxienez ordubetera egon nahi dut dut nire familia eta lagunengandik, eta, beraz, plaza aukeratuko dut Euskal Herriko edo Nafarroako ospitale batean”
