PRUEBA
Ibilgailu bateko gidaria hil egin da gaur, astelehena, goizaldean, BI-636 errepidean, Bilbo parean, izandako zirkulazio-istripu batean. Emakume bat zauritu da eta ospitalera eraman dute. Errepidea zabalik dago jada.
Goizaldeko ordu biak aldera, Kadaguako korridoretik (BI-636) zihoan auto batek kontrola galdu eta irauli egin da Bilboko udalerrian. Ezbeharraren ondorioz, ibilgailuaren gidaria hil egin da, medikuek baieztatu dutenez. Laguntzailea, emakume bat, Basurtuko Ospitalera eraman behar izan dute.
Errepidea itxita egon da bi noranzkoetan, biktimaren gorpua Auzitegiko Patologia Zerbitzura eraman eta autoa kendu arte. Ertzaintzak zonaldeko trafikoa arautu du, eta zorigaiztoko istripu hori argitzeko ikerketa hasi du.
