Gaur LGTBIfobiaren Aurkako Nazioarteko Eguna denez, Berdindu eratzen duten erakundeek, jakinarazpen batean, kezka adierazi dute sexu- eta/edo genero-orientazioagatiko erasoekin zerikusia duen salaketa kopurua handitu egin delako; eraso-mota hori, dagoeneko, bigarren bereizkeria-modu ohikoena da gure gizartean, Eraberean-en azken txostenak dakarrenaren arabera.
Hori horrela, Eusko Jaurlaritzako LGTBI kolektiboari Informazioa eta Laguntza emateko Zerbitzuak erantzukizuna eskatu dio gizarteari, bai eta “oraindik indarrean dauden bereizkerien kontrako borroka finkatzeko” eta “askotan ezkutuan uzten diren genero-identitate, -orientazio eta -adierazpen guztiak errespeta daitezen” lan egiteko ere.
Berdinduk, jakinarazpena amaitzeko, gizarte hobea sustatzeko eta sexu- eta genero-aniztasunarekiko gorrotoak eragiten dituen erasoak salatzeko duen konpromisoa berretsi du.
