Euskal ekonomiak hazkunde leuneko eremuan irauten du, 100 puntutik behera jarraitzen baitu; zehazki, 87,7 puntuko balioarekin joan den maiatzean, Ekonomia eta Ogasun Sailak hilabete horretan egindako termometroan jasotakoaren arabera.
Balio hori, maiatzekoa, ia bost puntu txikiagoa da apirilekoaren aldean (93,5). Desazelerazioa batez ere etxekoen unitateen kontsumoaren eta, neurri txikiagoan, esportazioen hazkundearen ondorioz gertatu da. Gastu publikoak eta inbertsioak, berriz, urteko lehen hilabeteetan izandako urte arteko hazkunde-erritmoei eutsi diete.
Eskaintzaren ikuspegitik, moderazioa industria-sektorean nabari da, eta, ez hain nabarmen, zerbitzuetan. Adierazleek erakusten dutenez, euskal ekonomiak duen hazkunde-mailak bidea ematen du lan-merkatuaren sendotasunari beste hilabete batez eusteko.
Joan den martxoan (98,2), euskal ekonomia hazkunde leuneko eremuan sartu zen lehen aldiz duela bi urtetik.
Termometroa hilero egiten da, euskal ekonomiaren 100 adierazletik gora oinarri hartuta, eta hilabete bakoitzaren lehen egunetan argitaratzen da.
