- Hainbat esparrutako pertsonek Kooperari lagatako arropa erakusketa ibiltariaren aurkezpenean parte hartu du Mendiak
Idoia Mendia Lehendakariorde eta Lan eta Enplegu sailburuak “bidegabekerien aurrean planto egitea eta berdintasunean atzera pausorik ez ematea” defendatu du, eta Kooperari bigarren eskuko arroparen erabilera aurreiritzirik gabe sustatzeko arropa bat emanez gauzatu du, hain erabaki sinpleek “gauzak aldatzen eta gizarte hobea egiten lagun dezaten”.
Mendiak #QUETEVAYABONITO erakusketaren aurkezpenean parte hartu du gaur, Bilbon, kultura, gizarte eta politika arloko pertsona garrantzitsuek emandako jantzi pertsonalen erakusketa ibiltarian. Bere kasuan, lila koloreko praka batzuk utzi ditu, eta, azaldu duenez, “2002ko nire hauteskunde autonomikoen ikurra izan ziren”. Horregatik, “praka hau Kooperari ematea, halaber, uste dudan aniztasun- eta berdintasun-balioak transmititzea da, eta balio horiek partekatzea merezi du.”.
Kooperaren proiektua da legegintzaldi osoan Idoia Mendiak zuzentzen duen Sailaren bultzada irmoa jasotzen ari denetako bat, eta Pedro Sanchez Espainiako Gobernuko presidenteari eta Teresa Ribera presidenteordeari ere erakutsi zaie Euskadira egin berri dituen bisitetan. Gizarte Ekonomiaren familietan kokatutako enpresa da, ekonomia zirkularrean aitzindaria eta bere onurak pertsonen gizarteratzean eta laneratzean inbertitzen dituena. “Jantzia edukiontzietan uztea bigarren bizitza bat ematea da, baina jende askori bigarren aukera bat ematea ere bada”, amaitu du Lehendakariordeak.
