Kontsumo pribatuaren hazkundearen moteltzea da euskal ekonomiaren termometroak ekainean izandako beherakada arinaren arrazoietako bat. Beherakada 84,6 puntukoa izan zen. Balio horri esker, ordea, euskal ekonomiak hazkunde leuneko eremuan jarrai dezake, 100 puntutik behera jarraitzen baitu, Ekonomia eta Ogasun Sailak hilabete horretan egindako termometroan jasotakoaren arabera.
Ekainean erregistratutako balioa hiru puntu txikiagoa da maiatzekoaren aldean (87,7). Azken hilabeteetan kontsumo pribatuan ikusten den moderazioaz gain, jaitsiera txiki horren beste arrazoietako bat da dinamismo txikiagoa dagoela gastu publikoan eta inbertsioan. Eskaintzaren aldetik, industriaren sektoreak nolabaiteko geldialdia izan du hazkundean. Eraikuntzak eta zerbitzuek, berriz, aurreko hilabetearen antzeko profila izan dute.
Joan den martxoan (98,2), euskal ekonomia hazkunde leuneko eremuan sartu zen lehen aldiz duela bi urtetik.
Termometroa hilero egiten da, euskal ekonomiaren 100 adierazletik gora oinarri hartuta, eta hilabete bakoitzaren lehen egunetan argitaratzen da.
