Nerea Melgosa Berdintasun, Justizia eta Gizarte Politiketako sailburuak parte hartu du gaur Mª Victoria Cinto Botere Judizialaren Kontseilu Nagusiko kidea eta Eusko Jaurlaritzako Justizia sailburuordea zenaren heriotzaren lehen urteurrenean antolatutako ekitaldian. Omenaldia Gipuzkoako Probintzia Auzitegian egin da, eta EAEko Auzitegi Nagusiko lehendakari Iñaki Subijanak, CGPJko lehendakari Rafael Mozok eta magistratuaren senitartekoek hartu dute parte.
Nerea Melgosak ohorezko plaka bat erakutsi du bere oroimenean.
“María Victoriaren ibilbidea koherentea izan zen Justizia ulertzeko zuen moduarekin. Horrek guztiak bere balioekin konprometitutako emakume bati hurbiltzen gaitu, eskuzabaltasunez eta atseginez betea, egunetik egunera Justizia hobea lortzeko nekaezina izan zen langile bati”, esan du sailburuak. Eta ondorioztatu du: “Plaka hau Gipuzkoako Audientziaren horma honetan geratuko da, gure artean igaro zenaren lekuko izan dadin. Eta, batez ere, gogorarazteko ez dugula amore eman behar justizia pertsona guztien eskura dagoen balio bihurtzeko ahaleginean”.
