30 proposamen Barakaldoko artista onenaren saria irabazteko hautagai izango dira, 43 Euskara sarirako eta 14 Berdintasun sarirako. Finala irailaren 23an izango da Barakaldoko San Bizente parkean, 9 artisten emanaldiekin.
Barakaldoko Udalak sustatutako Hiriko Soinuak proiektuaren lehiaketan 142 artistak eman du izena, 2022ko 141 izen-emateak gaindituz.
Izena eman duten 142 proposamenak sari nagusirako hautagai izango dira, baina horietatik 30ek Barakaldoko proposamenik onena izateko aukera dute, 43k euskarazko proiekturik onena izateko baldintzak betetzen dituzte (2022an 33) eta 14k Berdintasun saria jasotzeko aukera izango dute (2022an 9). Beste datu azpimarragarri bat da izena eman duten 142 proiektuetatik 40 parte-hartzaile berriak direla aurreko edizioekiko.
Izena emateko epea amaitu ondoren, orain epaimahai profesional batek erabakiko du zein artista igaroko diren finalera. Kategoria nagusiko, Barakaldoko talderik onenaren kategoriako eta Berdintasun kategoriako bederatzi proposamen finalistek zuzenean joko dute irailaren 23an Barakaldoko San Bizente parkean egingo den doako finalean. Epaimahai profesionalak erabakiko du, zuzenean, artistarik onena euskaraz.
Epaimahaia Eneritz Furyak artistak, Jon Asier Zubelzuk (Gaua Estudioko soinu teknikari titularra), Jonathan Martínek (Barakaldoko Udaleko Gazteria zinegotzia) eta Gotzon Uribek (Bilboko Kafe Antzokiko programatzaile eta sustatzailea) osatuko dute.
Lehiaketako lau kategorietako proiektu irabazleak urriaren 20an eta 21ean arituko dira Barakaldoko Herriko plazan egingo den Hiriko Soinuaken festibalean, Estatu mailan izen handia duten taldeekin batera.
«2022an parte-hartze datu garrantzitsuak lortu genituen, 2 disko baino gutxiago argitaratu dituzten Euskadiko artistengana jotzen dugula kontuan hartuta. Beraz, zifra horiek mantentzea edo gainditzea oso positibotzat jotzen dugu. Bigarrenik, Euskara eta Berdintasun sarietarako hautagai diren artisten kopuruak nabarmen egin du gora, eta hori albiste ona da beti. Barakaldon 30 proiekturen inguruan mantentzen gara urtero, herrian artista berriak sortzen jarraitzen direnaren adierazgarri», Jonathan Martín Barakaldoko Udaleko Gazteria zinegotziak adierazi duenez.
HIRIKO SOINUAK 2023 LEHIAKETA
Parte-hartzearen bilakaera:
- 2019: 99 parte-hartzaile
- 2020: 101 parte-hartzaile
- 2021: 129 parte-hartzaile
- 2022: 141 parte-hartzaile
- 2023: 142 parte-hartzaile
