Itziar Gómez Landa Garapeneko eta Ingurumeneko kontseilariak foru-agindu bat sinatu du, 2023-2024 denboraldirako ehiza-debekualdien xedapen orokorra onartzen duena. Ostegun honetako Nafarroako Aldizkari Ofizialean (NAO) argitaratu zen xedapenak Foru Komunitateko ehiza-barrutiaren aldiak finkatzen ditu, eta espezie bakoitzaren datak eta baldintzak zehazten ditu.
Oro har, ehizarako ordutegia, eguzkia atera baino ordubete lehenagotik hasten da ilunabarra heltzen denetik ordu bete iragan denean amaituz.
Ehiza larria
Foru arauan erregulatutako ehiza larriaren espezieak honakoak dira:
–Basurdea: bere ehiza hurrengo abuztuaren 15etik 2024ko otsailaren 29ra arte baimenduko da, ostegunetan, larunbatetan edota nazio, foru edo toki mailako jai egunetan, su-armarekin uxaldi eta ehizaldietan, eta arkuarekin uxaldi, ehizaldi eta urruneko ehizetan. Bestalde, aurtengo abuztuaren 1etik 2024ko uztailaren 31ra egunero baimenduko da su-armarekin edo arkuarekin zelatatze ehizan eta gaueko itxaroteetan.
–Orkatza: orkatzaren ehiza baimenduko da uxaldian nahiz ehizaldian aurtengo abuztuaren 15etik 2024ko otsailaren 29ra arte, ostegunetan, larunbatetan, igandetan eta nazio, foru edo toki mailako jai-egunetan. Aldi honetan halaber baimenduko da zelatatze eta urruneko eran eginiko ehiza, asteko egun orotan. Horrez gain, 2024ko apirilaren 1etik uztailaren 31ra arte, urruneko eran eginiko ehiza baimenduko da egunero, Antolamendu Zinegetikorako Planaren kupoan esleitutako hegazti arren hala nola otsailaren 29ra arte baimendu modalitatetan bota izan gabeko orkatz arren kasuetan.
–Oreina: hegazti arren urruneko eran eginiko ehiza baimenduta dago, egunero, aurtengo irailaren 10etik urriaren 1era arte. Gainera, uxaldi eta ehizaldi eran ehizatu ahal izango da datorren urriaren 12tik 2024ko otsailaren 29ra arte, ostegunetan, larunbatetan, igandetan eta nazio, foru edo toki mailako jai-egunetan.
–Adarzabala: uxaldi eta ehizaldi erako ehiza baimenduko da datorren urriaren 12tik hurrengo urteko otsailaren 29ra arte, ostegun, larunbata, igandetan eta nazio, foru edo toki mailako jai-egunetan.
Ehiza xehea
Ugaztunak:
–Azeria. -Jauzi modalitatea: galeperrari dagozkion egun nahiz leku berdinetan ehizatu ahal izango da, erdi mailako debekualdian eta azaroaren 1etik 2024ko urtarrilaren 28ra arte, ostegunetan, larunbatetan, igandetan eta nazio, foru edo toki mailako jai-egunetan. -Uxaldiko eta eskuzko modalitatea: modalitate hauek baimenduta egongo dira ehizarako irailaren 2tik otsailaren 29ra arte, ostegun, larunbata, igande eta nazio, foru edo toki mailako jai-egunetan. – Itxaronaldi-modalitatea: azaroaren 1etik otsailaren 29ra arte.
–Erbi iberikoa: azaroak 1etik aurtengo abenduaren 31ra arte, igandetan eta nazio, foru eta toki mailako jai-egunetan. Eskopetaren modalitatean barruti-ehizaren arloko jarduera gehienez bi egunera mugatzen da. Ehiza ordutegia, gehienez, 14ak arte luzatuko da. Eskopeta bidezko ehizarako modalitatean, ehiztari eta eguneko kupo maximoa erbi batekoa izango da jauzi modalitatean. Erbiaren uxaldi modalitatean, kupoa koadrila bakoitzeko erbi batera mugatzen da, kuadrilla bakoitzeko gehienez 3 pertsona ehiztarirekin kontatuz. Eta erbia galgoekin ehizatzeko modalitatean, kupo maximoa pertsonako edo koadrilako bi erbikoa izango da, kuadrillan gehienez 6 pertsonekin kontatuz. Kasu hontan, espezie honetarako finkatutako egunez haratago, aipatu aldiko larunbatetan ehizatu ahal izango da.
–Erbi europarra: soilik arrasto-txakurrekin, azaroak 1etik aurtengo abenduaren 31ra arte, igandetan eta nazio, foru edo toki mailako jai-egunetan. Eta uxaldi modalitatean, koadrila bakoitzeko ehiztari kopuru maximoa 6koa izango da. Ehiztari edo koadrila bakoitzeko eguneko erbi baten kupoa finkatzen da.
–Untxia: azaroaren 1etik 2024ko urtarrilaren 28ra arte, ostegun, igande nahiz nazio, foru edo toki mailako jai-egunetan, barruti bakoitzerako finkatu izan den antolamendu plana eta egutegi zehatza kontuan hartuta. Uda-sasoiko ehizari helduz, antolamendu zinegetikoaren planetan xede horretarako 3 eremu zehatz baino gehiago hartzen dituzten untxiaren IKA bat baino gehiagoko barruti haien kasuan, ehizatu ahal izango da abuztuaren 15etik aurtengo irailaren 30era arte, larunbata, igande eta nazio, foru edo toki mailako jai-egunean, antolamendu bat zainduz.
Hegaztiak:
–Eperra: azaroaren 1etik 2024ko urtarrilaren 29ra arte, igandetan nahiz nazio, foru edo toki mailako jai-egunetan. Ehiza ordutegia izango da, gehienez, 14ak artekoa. Ehiztari eta egun bakoitzeko kupo maximoa bi eperrekoa da. Egunen kopuru maximoa, barrutiek emandako datuen araberakoa izango da, udaberri sasoiko ugaltzaileen kopurua, potentzialtasuna, erbien ehiztariak eta ekoizpen maila kontuan hartuta.
–Uretakoak: ehiza baimentzen da harrapatu ahal izanik azaroaren 1etik 2024ko urtarrilaren 28ra arte antzara komuna, zertzeta arrunta, basahatea, kopetazuria, hegabera eta istingor arrunta, ostegunetan, igandetan eta nazio, foru edota toki mailako jai-egunetan. Basahatea halaber aurtengo abuztuaren 15etik irailaren 14ra arte ehizatu ahal izango da, aipatu aste-egunetan.
–Oilagorra: urriaren 12tik 2024ko urtarrilaren 31ra, egunero, egunsentitik hasi eta ilunabarra izan baino ordubete lehenago arte, baso-eremuen barruan eta txakurrak erabiliz, betiere haiek ohiko txintxarriarekin hornituz, lokalizatu ahal izateko eta mendiko ibiltarien artean ezbeharren prebentzioa zaintzeko asmoz. Eguneko 3 harrapaketarako kupo maximoa ezartzen da. Gainera, debekatuta dago oilagorra itxaronaldi edo baltsa eran ehizatzea; 23/24 denboraldi honetan debekatuta dago bere salmenta.
–Birigarroa (komuna, garraztarroa, durdula eta birigarro txikia): azaroaren 1etik 2024ko urtarrilaren 28ra arte, ostegunetan, larunbatetan, igandetan eta nazio, foru edo toki mailako jai-egunetan. Azaroaren 1etik urtarrilaren 31ra arte, halaber ehizatu ahal izango da postu baimenduetan, asteko egun guztietan. Eta baimendutako uso migratzaileen postuetatik ere ehizatu ahal izango dira urriak 1 eta abenduak 31 artean, haren baldintza berdinetan.
–Galeperra: hegoalde eremuan, abuztuaren 15etik irailaren 14ra arte ostegun, igande eta nazio, foru edo toki mailako jai-egunetan, baldin eta antolamendu zinegetikoaren planetan finkatutako eremuen barruan izatea zainduz. Iparreko eremuan datak berdinak dira, lursail mugatu guztietan, eta zuhaitz-eremuetatik kanpo izatea zainduz. Gainera, espezie hau ehizatu ahal izango da eper gorria baimenduta dagoen barruti bakoitzean xedatutako lanegun berdinetan. Eremu bietan, ehiztari eta egun bakoitzeko 10 harrapaketarako kupo maximoa xedatu da.
–Usapala: aurreko denboraldiko ezohiko izaera mantentzen da: kupoaren harira, denboraldi honetan zero harrapaketakoa da, usapal europarraren Ehizerako Plan Egokitzailearen jarraibideak kontuan hartuta.
–Mika eta belea: bere ehiza baimentzen da foru arau honetan xedatutako garai guztietan, beste edonolako espezieak ehizatu ahal izanik hauentzat finkatutako baldintza berdinetan.
–Basausoa eta txoloma: urriaren 1etik aurtengo abenduaren 31ra arte, usoen postu edo txosna baimenduetan, asteko egun guztietan. Basausoa ehizatu ahal izango da abuztuaren 21etik irailaren 24ra arte, ostegun, larunbata, igande eta nazio, foru edo toki mailako jai-egunetan. Azaroaren 1etik 2023ko urtarrilaren 29ra arte, halaber ehizatu ahal izango dira, jauzi eran, ostegun, larunbata eta igandetan eta nazio, foru edo toki mailako jai-egunetan. – Hego Eremukoak diren barrutietan, jauzi eran soilik, galeperraren eremuan eta usoaren hegaldi-postutik. –Ipar Eremuko barrutietan, soilik jauzi eran. Betiere zuhaitz-eremutik kanpo izatea zainduz.
–Faisaia: urriaren 1etik 2024ko urtarrilaren 29ra arte, ostegunak, larunbatak, igandetan eta nazio, foru edo toki mailako jai-egunetan, horretarako gaitutako eremuetan.
