Athletic Clubek 5-1 irabazi zion CDE Racing Feminasi Gazituagan (Zamudio), Yulemak eta Nevadok, lehen zatian, eta Azkona,, Marina Artero, eta Elexpuruk, bigarrenean, sartutako golei esker. Lehen sentsazioak zelaian eta debutak, ofizialak ez izan arren, denboraldiko lehen proban. David Aznar ere entrenatzaile zuri-gorri gisa estreinatu zen. Gainera, Maddi Torrek berriro jantzi zuen talde bilbotarraren elastikoa, eta Nanclares, Sanadri eta Garazi Facilarentzat ere lehen partida izan zen Klubean.
Entrenatzaileak ondorengo hasierako hamaikakoa hautatu zuen: Quiñones, Amaia M., Landaluze, Maddi, Eunate, Elexpuru, Pinedo, Mariana, Nerea Nevado, Arana eta Yulema. Kapitaina izan zen, hain zuzen ere, markagailua ireki zuena 16. minutuan, Aranaren asistentzia on baten ondoren. Nerea Nevadok 2-0ekoa egin zuen, Paula Aranak beste behin eskuinetik pasea egin ostean. Santurtzikoak, ezker hegalean Eunateren aurretik aritu zenak, buruz errematatu zuen gasteiztarraren erdiraketa atezain kantabriarra gaindituz.
Gol gehiago bigarren zatian
Bigarren zatian aldaketak izan ziren eta Amaia Martinez eta Elexpuru Nanclares, Naroa, Marina Artero, Gara Facila, Azkona, Itxaso, Claudia F., Peke eta Sanadrirekin batera mantendu ziren. Pekek langara bidali zuen baloi bat. Azkonak ere aukera ona izan zuen Sanadri ezker hegaletik sartu ondoren eta gero Pekek, aldaratze batean, beste abagune bate izan zuen. 69. minutuan, Ane Azkonak Amaia Martinezen erdiraketa sare barrura bidali zuen buruz, 3-0ekoa ezarriz. Handik gutxira, harrobiko Marina Arterok, area txikian argi ibili zenak, CDE Racing-en opari bat aprobetxatu zuen. Irati Martinek kanpokoen gola sartu zuen eta Elexpuruk bosgarrena egin zuen bizkaitarrentzat. Iragan denboraldian Segunda RFEF mailara jaitsi zen eta aurten bigarren filial zuri-gorria aurrean izango duen arerio baten aurka norgehiagoka ona osatu zuen David Aznarrek aulkitik zuzendutako taldeak.
Lehoiak Tenerifera joango dira datorren asteazkenean, eta kontzentzazio labur bat egingo dute bertan beste bi lagunarteko jokatuz. Denboraldiaurrea sentsazio onekin eta golekin hasi berri da Liga F hasteko hilabete falta denean.
