Tradizional eta txalotutako Larrain Dantza, Aste Nagusiko programazioko une berezienetako bat, Euskal Folklorez eta Euskal Jantziz bete du Plaza Berria. Horrela, dozenaka lagunek ikusi eta gozatu dute gaur arratsaldean hain errotuta dagoen dantzaz, «Zatoz zure jantziarekin!» lelopean.
Horretarako jantzi onenak jantzita, dantza erakustaldi batekin eta kalejira batekin hasi da ikuskizuna. Behin plazan, dantzariek fandangoa, jota eta bolatokiak kateatu dituzte, bertaratutakoei agur esateko beste kalejira bat eginez.
Larrain-dantza, ingurutxoa eta jota oinarri hartuta eraikitako dantzen suitea da. Erloju-orratzen kontrako norabidean mugitzen den zirkulu ireki handi bat osatzen duten bikoteek dantzatzen dute, eta euskal geografiako udalerririk ez dago euskal tradizio hori gogorarazten ez denik.
Nabarmendu behar da dantza soziala dela, taldekoa, plazakoa, eta gazteek zein adinekoek parte hartzen dutela bertan, ekitaldi sozial oso bat eginez. Dantza honek ez du prestakuntza fisiko espezifikorik eskatzen eta erraza da, beraz, guztion ekitaldia da eta publiko guztiarentzat zuzendutakoa.
DANTZAK, ASTE NAGUSIKO ARRATSALDE GUZTIETAN
uskal tradizioak, ohiturak eta kultura zabaltzeko apustuan, Bilboko Udalak egitarau zabala prestatu du Euskal Folklorearekin lotutako ehundik gorako ekintzekin.
Horrela, Aste Nagusiko arratsaldeak Plaza Barrian egin ohi diren dantzentzat dira, Bizkaiko Dantzarien Biltzarraren (BDB) eskutik. Erakustaldiak, erromeriak, alardeak… abuztuaren 27ra arte, 19:00etatik aurrera, Euskal Folkloreak Plaza Berriko protagonista izaten jarraituko du, honako hauen eskutik:
- Asteazkena 23: Salbatzaile (Castaños)
- Osteguna 24: Alkartasuna (Bermeo)
- Ostirala 25: Urdaibai (Forua)
- Larunbata 26: Mikel Deuna (Iurreta)
- Igandea 27: Beti Jai Alai (Basurto)
