Athletic Clubeko bazkideek Klubak bidalitako inkesta bat jaso dute Herri Harmailari buruz. AC Aurrera-n (Klubak abian jarri zuen 2023-26ko Ekintza Planean), 2. ardatzaren barruan (Eragin Soziala eta Gobernantza Arduratsua adatzean) 2.1 zutabea aurkitzen da (Gizarte-masaren gogobetetzea, kidetasun-sentimendua eta parte-hartzea areagotzea), eta horren barruan Herri Harmailaren Bilakaerari buruzko ekintza (2.1.1). Zentzu horretan, Athletic Clubek bere gizarte masaren iritzia ezagutzea du helburu,Herri Harmailaren egoera eta balizko bilakaera aztertu eta ebaluatzeko, AC Aurreran aurreikusita zegoen bezala.
Bazkideei bidalitako emailak honako goiburu hau du:
2022-23 denboraldian Herri Harmaila berria estreinatu zen San Mameseko Beheko Ipar Harmailan. Animazio taldeak, Gazte Abonoak eta Kluba bera elkarlanean aritzen dira taldeari ahalik eta babesik handiena emateko, partidetako une zailetan laguntzeko eta, oro har, jokalariak hegan eramateko. Herri Harmaila Herrikoia balio kalkulaezineko aktiboa da, baina denboraldi bakoitzean hobetzeko asmoa dugu. Horregatik, eskertuko genizuke galdera horiei erantzutea, guri laguntzeko. Minutu batzuk besterik ez dira izango.
