Abuztuaren 30etik irailaren 10era izango dira
Donostiako ohiko Euskal Jaiak abuztuaren 30ean hasiko dira, 11 egun biziko programazioarekin, eta 60 ekitaldi egingo dira mota guztietako publikoarentzat.
Nekane Arzallus alkateordeak nabarmendu duenez, «festa hauek aukera paregabea dira gure lurraldeko sortzaile eta ekoizleek eskaintzen dituzten gure kulturako jardueretan oinarritutako programaz gozatzeko«.
Donostiako Udalak Donostia Festaken bidez antolatuak, jarduera hauek abuztuaren 30ean, asteazkena, hasiko dira, Kontxako Banderarako emakumezkoen sailkapen estropadarekin, eta 10ean amaituko dira iraileko Estropadetan jokatzen diren bi kategorietako tripulazio irabazleei banderak eman ondoren.
Aurtengo lehenengo jai ekitaldietako bat Sagardo Eguna izango da, 37 urte betetzen dituena, horietako 35 Konstituzio Plazan, eta irailaren 2ko goizean zehar izango da.
Jardunaldi horietatik aurrera, donostiarrek aukera ugari izango dituzte gozatzeko; poesia entzunez, erromerietan dantzatuz, bertsolaritza saioetara joanez, kirol jardueretan parte hartuz, Gipuzkoako tomate-lehiaketetan parte hartzera aurkeztuz edo Biolur merkatuan lurreko produktuak erosiz. Haurrei eta adinekoei zuzendutako gustu guztietarako jarduerak egongo dira.,
Eta jarduera horien artean aipatzekoa da Gaztelu Eguna, hiria suntsitu ondoren 1813an Donostia berreraikitzeko ekimena oroitzeko ekitaldia. Irailaren 9an, larunbata, Alde Zaharrean egitarau oso interesgarri bat garatuko da; goizeko 11:30ean Trinitate plazatik Urgulleko gaztelura abiatuko den irteera batekin hasiko da eta amaitzeko 20:30ean Konstituzio plazan Zubietako aktak irakurriko dira.
Zirrar! Kartela
Aurten, Julen Cano Arte Ederretan eta Publizitate eta publizitate grafikoan lizentziadunak egin du jai-egitarauaren irudia. Collage teknikaren bidez eta Zirrar! izenburupean, aurtengo kartelean Euskal Jaien alderdi ezberdinak azaldu nahi izan ditu.
Lehen planoan, Euskal Dantzako bi dantzari daude dantzaren bidez gozatzen. Atzealdean, berriz, askoz ere modu finagoan, Konstituzio plazako arkuetan, beste pertsonak daude koadrilan, bikotean, jaietaz gozatzen.
