Lan eta Enplegu Sailak 781.711 euroko dirulaguntzen deialdia egin du enpresaburuen elkarteentzat eta erakunde sindikalentzat, beren jarduera eremuetako berezko gaiei dagokienez, giza baliabideen trebakuntza hobetzeko prestakuntza-planak garatzeko.
Gaur Jaurlaritzaren Kontseilura bidali den agindu honen bidez, enpresa- eta sindikatu-erakundeen barneko prestakuntza-programak indartu, integratu eta koherenteak izan daitezen bultzatu nahi da, erakunde horiek tresna egokiak izan daitezen beren koadroak eta langileak kualifikatzeko, eta, horrela, egoera soziolaborala hobetzen lagun dezaten.
Laguntzaren zenbatekoa, guztira, 781.711 eurokoa izango da 2023. urterako, eta erakunde onuradunen bi kategorien artean banatuko da: % 60 erakunde sindikalentzat eta % 40 enpresa-erakundeentzat.
