844.010 euroko gehikuntza dakar, aurrekontuan sartutako hasierako zenbatekoarekin alderatuta: 1.600.000 euro
Genero-indarkeriaren biktima diren emakumeak bizi diren tratu txarren egoeratik errazago ateratzeko eta haien gizarteratzea errazteko baliabide ekonomikoak bermatzea da helburua
2023ko lehen seihilekoan, 191 laguntza-eskaera onartu dira genero-indarkeriaren biktima diren emakumentzat
Gobernu Kontseiluak, gaur, Berdintasun, Justizia eta Gizarte Politiketako sailburu Nerea Melgosak proposatuta, Genero Indarkeriaren biktima diren emakumeentzako diru-laguntzaren barruan esleitutako zenbatekoa handitzea onartu du. Zenbatekoa 2.444.000 eurokoa da. 844.010 euroko gehikuntza dakar, ekitaldi honetarako aurrekontuan sartutako zenbatekoarekin alderatuta: % 52,75.
Laguntza ekonomikoen helburua diru-sarrerarik eza edo diru-sarreren urritasuna aldi baterako arintzea da, bikotekidearen edo bikotekide ohiaren indarkeria jasaten duen emakumeari bizirauteko gutxieneko baliabide batzuk emateko, erasotzailearengandik independizatzeko eta erasotzailearengandik independentea den bizitza berri bati ekiteko.
2023 honetan, hasierako aurrekontua 1.600.000 eurokoa zen, 2022an gastua ixteko erabili zen zenbateko bera.
Lehenengo seihilekoko izapideen datuak aztertu ondoren (275 eskariri buruzko 191 eskaera eman dira, esleitutako aurrekontuaren %75), kreditua handitu egin da laguntza eskatzen duten genero-indarkeriaren biktima diren emakumeei baliabide ekonomikoak eman ahal izateko.
Laguntza hau Genero Indarkeriaren biktima diren emakumeentzat bakarrik da, hau da, Lege Organikoak dioen bezala, bikotekidea den edo izan den emakume baten aurka beti gizon batek egiten duen indarkeria. Hau da, ez lirateke sartuko beste edozein indarkeria matxistaren biktimak, hala nola familia barruko genero-indarkeria, sexu-askatasunaren aurkako indarkeria, lan-ingurunean tratu edo jazarpena.
Diru-kopuru handi samarra denez, eta behin bakarrik, laguntza honen helburua da emakumea bizi den tratu txarren egoeratik errazago ateratzea bideragarri egitea, eta bizimodu independente bati (etxebizitza, hezkuntza, elikadura eta abar) aurre egiteak dakartzan gastuei aurre egin ahal izatea eta dirurik ez izateagatik berarekin jarraitu beharrik ez izatea.
Ildo horretan, eta Indarkeria Matxista prebenitzeko eta hari aurre egiteko, Melgosa sailburuak zuzentzen duen sailak honako hauen bidez borrokatzen du: Emakundek eta bere ardurapeko zuzendaritzek zeharka garatutako ekimenak; Indarkeria Matxistaren Biktima diren Emakumeentzako Informazio eta Arreta Zerbitzu Espezializatua-Satevi (900 840 111), Biktimari Laguntzeko Zerbitzua-BLZ (900 100 928) edo genero-indarkeriaren ondorioz umezurtzentzako laguntzak, besteak beste.
Genero-indarkeriaren biktima diren emakumeentzako diru-laguntzak 2023
| Ardurapeko pertsonarik
gabe |
Senide bat edo ardurapeko adingabea | 2 senide edo gehiago ardurapean | |
| Ezgaitasunik gabeko emakumea | 2.880 € | 5.760 € | 8.640 € |
| % 33ko edo hortik gorako ezgaitasuna duen senide bat edo adingabe bat duen emakumea. | 2.880 € | 8.640 € | 11.520 € |
| % 33ko edo hortik gorako ezgaitasuna duen emakumea | 5.760 € | 8.640 € | 11.520 € |
| % 33ko edo hortik gorako ezgaitasuna duen emakumea eta % 33ko edo hortik gorako ezgaitasuna duen senidea edo adingabea bere kargura duena. | 11.520 € | 11.520 € | |
| % 65eko edo gehiagoko ezgaitasuna duen emakumea, edo% 65eko edo gehiagoko ezgaitasuna duen senide bat edo adingabe bat bere kargura duena. | 11.520 € | 11.520 € |
