UPV/EHUko Elurreta ikasgelategian, Vitoria-Gasteizen, 2.119 izangai bilduko dira Osakidetzaren Enplegu Publikoaren Eskaintzako azterketak egiteko, urriaren 7an (larunbata) eta 8an (igandea).
Osakidetzak 2018-2019ko EPEko deialdi guztien behin-behineko emaitzak argitaratu ditu dagoeneko, 2020-21-22-E EPEan azterketak egingo dituzten lanbide-kategoria guztiei dagokienez.
Osakidetzaren 2020-21-22-Egonkortzeko EPEan eskainitako 14 lanbide-kategoriatako azterketak asteburuan egingo dira, UPV/EHUko Elurreta ikasgelategian, Vitoria-Gasteizen.
Guztiak 9:30ean izango dira, bai larunbatekoak (urriak 7), bai igandekoak (urriak 8). Larunbatean, 7 kategoriatako azterketak egingo dira, eta igandean, gainerako 7 kategorietakoak.
Guztira 2.119 izangai joango dira asteburuan Vitoria-Gasteizera. Gehienek, hau da, 411 izangaik, Farmaziako Teknikaria kategorian eman dute izena, eta igandean, hilak 8, edukiko dute azterketa.
Larunbatean, hilak 7, izen-ematen gehien eduki dituzten beste bi kategorietako hautaprobak egingo dira: Informatikako Goi Mailako Teknikaria eta Anestesiologiako eta Bizkorketako FEM, zeintzuek 371 eta 311 hautagai baitituzte, hurrenez hurren.
Osakidetzak 2018-2019ko EPEko deialdi guztien behin-behineko emaitzak argitaratu ditu dagoeneko, 2020-21-22-E EPEan azterketak egingo dituzten lanbide-kategoria guztiei dagokienez. Hala, Osasuneko sailburu Gotzone Sagarduik hartutako konpromisoa betetzen da, alegia, 2018-2019ko EPEan iragarritako 82 lanbide-kategorien emaitzak progresiboki jakinarazi dira jada.
Datorren asteburuan, 2023ko urriaren 7an eta 8an, Elurreta ikasgelategian (Vitoria-Gasteiz) egingo diren 2020-21-22-Egonkortzeko EPEko azterketei dagokienez, hona hemen informazioa (eguna, ordua eta kategoria):
Larunbata, 2023/10/07 9:30
2023/10/07 9:30 INFORMATIKAKO GOI MAILAKO TEKNIKARIA
2023/10/07 9:30 ANESTESIOLOGIAKO ETA BIZKORKETAKO FEM
2023/10/07 9:30 ONDONTOLOGIAKO FT
2023/10/07 9:30 ANALISI KLINIKOKO FEMT
2023/10/07 9:30 EUSKARAREN NORMALIZAZIOKO GOI MAILAKO TEK.
2023/10/07 9:30 ZAINKETA ARINGARRIEN FEM
2023/10/07 9:30 ALERGOLOGIAKO FEM
Igandea, 2023/10/08 9:30
2023/10/08 9:30 FARMAZIAKO FT
2023/10/08 9:30 MANTZENTZE-LANETAKO ETA INSTAL. GOI MAILAKO TEK.
2023/10/08 9:30 ETXEKO OSPITALIZAZIOKO FEM
2023/10/08 9:30 HAUR PSIKIATRIAKO FEM
2023/10/08 9:30 OSPITALEKO ERRADIOFISIKAKO FEMT
2023/10/08 9:30 ANGIOLOGIAKO ETA KIRURGIA BASKULARREKO FEM
2023/10/08 9:30 AHOKO ETA AURPEGI MASAILETAKO KIRURGIAKO FEM
