Abenduaren 2an eta 3an, ahotsak grabatzeko aukera izango da Bulebarrean jarriko den karpan
Abenduaren 2an, 12:00etatik 20:00etara izango da karpa Bulebarrean eta abenduaren 3an, berriz, 11:00etatik 19:00etara. Helburua da karpara ahalik eta donostiar gehien gerturatzea eta ahots asko eta askotarikoak grabatzea, adin, genero, azentu eta hizkera desberdinetakoak. Hori dela-eta, ahotsen grabazio masiboan parte hartzera gonbidatu ditu Udalak bai hiriko elkarte, entitate eta enpresetako ordezkariak bai herritarrak.
Jar dezagun teknologia euskaldunon alde lelopean, telefonoak eta nabigatzaileak euskaraz konfiguratzeko informazioa eta laguntza ere eskainiko da.
