Osakidetzan, hogei urtetan, zazpi aldiz handiagoa da beren lanpostuaren hizkuntza-eskakizuna betetzen duten profesionalen ehunekoa.
Hala jakinarazi dute, beste datuen artean, Eusko Jaurlaritzako Osasun Sailak eta Osakidetzak, Euskararen Egunaren bezperan, Euskal Osasun Zerbitzuan euskararen erabilera normalizatzeko Dekretua onartu eta 20 urte betetzen direnean, hain zuzen ere.
Hain zuzen ere, Osakidetzak parte hartu du Hizkuntza Aniztasuna Sustatzeko Europako Sarearen (NPLD, ingelesezko siglak) foroan. Aurten, Helsinkin egin da foroa, eta bertan osasun-arloan euskara erabiltzeko estrategia ezagutarazi da. Estatuetako gobernuak, autonomia-erkidegoetakoak, gobernuz kanpoko erakundeak eta hizkuntza-plangintzaren arloan lan egiten duten erakundeak biltzen dituen erakunde horren helburua da hizkuntza konstituzionaletako, eskualdeetako hizkuntzetako eta Europako estatu txikietako hizkuntzetako hiztunen interesak ordezkatzea.
