Tokiko Gobernu Batzarrak onartutako beste gai batzuk: Barkaiztegi bidea, Marrus baratzeak
Eneko Goia alkateak nabarmendu duenez, «oso esperotako jarduera da, berandutu egin dena, baina inguruko bizilagunentzat oso garraintzitsua izango dena, euren etxebizitzetara iristeko ibilbide irisgarriagoa izateko aukera emango dielako«.
Izan ere, 2019an onartu zen proiektua da, baina orain arte ezin izan da gauzatu, denboran luzatu den desjabetze-prozesu baten ondorioz. Obrak atzeratu direnez, prezioak igo egin dira eta proiektuaren aurrekontuan eragina izan dute, eta, beraz, egungo egoerara egokitu da.
Antiguoko behealdea eta Seminarioaren ingurua lotuko dituzten lau igogailuetatik lehena izango da. Irisgarritasuna lortzeko 3 elementu nagusiz osatutako sistema bat planteatzen da. Lehenik eta behin, aldapa-sistema bat beheko aldean, 15 metro inguruko igogailua ondoren, eta 30 metro inguruko pasabidea ondoren.
Barkaiztegi bidea
Tokiko Gobernu Batzarrak Barkaiztegi bidean haitz-ezponda bat egonkortzeko obren proiektua onartu du. Proiektuak 164.681 euroko aurrekontua du eta bi hilabeteko epean egitea aurreikusten da.
Proiektu honen bidez, bide horren bihurgunearen eremua egonkortuko da, Arkaitzartekoa finkaren parean, Martutene auzoan. Ezponda Arkaitzartekoa etxearen eta Barkaiztegi bidearen artean dago, zehazki, Barkaiztegi bideko 2. zenbakitik 60 metro hegoaldera.
Marrus baratzeak
Tokiko Gobernu Batzarrak Marrus 2. fasea (Estaldura) izeneko baratzeak berregokitzeko proiektuaren obrak kontratatzeko espedientea onartu du. Proiektuaren lizitazio aurrekontua 268.293 eurokoa da eta burutzeko epea 3 hilabetekoa.
Proiektua eremu kutsatua estaltzea eta eremua egokitzea da, eta horren abiapuntua Afesa enpresak egindako ingurumen-azterlana da. Azterlan horretan, eraginpeko lurzatiko baratze bakoitzean elementu kutsatzaileak detektatzeko egindako azterketak jasotzen dira, bai eta elementu horietako zein dituzten eta kantitateen baremoak ere.
Horrenbestez, giza osasunerako arriskutsuak diren materialak dituzten eremuak zehaztu eta mugatu ditu, eremu horiek mugatuz eta eremu horietan arrisku horiek ezabatzeko zer jarduketa egin behar diren zehaztuz.
Jarduketa horiek proposatzen dute kaltetutako eremua landarediaz oso azaletik garbitzea, dagoen lurraren gainean xafla geotestil bat jartzea, haren azpian dagoen arriskuaz ohartarazteko. Xafla horren gainean 1 m lur garbi gehituko da.
Afesaren jarduketa-proposamenean, baratzeak eta bidea bereizten diren ekialdeko eremuan, desnibel hori horma berde baten bidez gainditzen da. Kutsatzeko arriskua duen lurraren mugaketa eta espazio garbia bereizten dituen mendebaldean, lur garbiko ezponda sortzen da.
Hauek dira, gauzatu beharreko obraren jarduketa nagusiak:
-
- • Estali beharreko zonen aurretiazko jarduketak (azaleko sastrakak kentzea, hesiak kentzea, sokak, aterpeak, etab.)
-
- • Geozuntz eta lurrez kutsatutako eremuak estaltzea, edo hormigoi armatuzko zolatak eta euste-sistemak (horma berdeak, gunita, etab.)
-
- • Kutsatutako eremutik kanpoko ur-hornidurako instalazio berria eta hortik eratorritakoak (zoladurak eraistea eta lehengoratzea)
-
- • Horma berdeen irteerako drainatze-hodien eraginpeko bideak
-
- • Jarduketak lurzatiaren iparraldeko izkinan, eremu kutsatuak isolatuta (landare-lurra, soropila, bankuak, zuhaitzak)
- • Eragindako eremuetako hiri-altzariak (hesiak, sarrerako atea, informazio-panela, bankuak eta mahaiak)
