Euskal ekonomia egonkor mantendu zen joan den azaroan, hazkunde leuneko eremuan jarraitzen baitu, 86,0ko balioarekin —aurreko hilean (88,4) baino ia 2,5 puntu gutxiago—.Inbertsioaren motelaldiak eta esportazioen hobekuntzak azaltzen dute Ekonomia eta Ogasun Sailak prestatutako termometroak eskaintzen duen egoeraren argazkia. Horrela, euskal ekonomiak profil finkatua eskaintzen du ziurgabetasun-testuinguru batean, 50 puntutik gora jarraitzen baitu.
Ikuspegi sektorialetik, industriak azken hilabeteetako bide negatiboari heldu dio berriz ere, eta, neurri handi batean, eraikuntzaren sektorearen hazkundeak eta zerbitzuen hazkundeak (txikiagoa izanik ere) konpentsatzen dute jaitsiera hori. Enpleguak azken hilabeteetako hazkunde sendoaren joera luzatzen du.
Joan den martxoan (98,2), euskal ekonomia hazkunde leuneko eremuan sartu zen lehen aldiz duela bi urtetik. Irailean jasotako balioarekin (88,3), euskal ekonomia maiatzekoen antzeko balioetara itzuli zen (87,7). Balio-tarte horretan egonkor mantentzen da.
Termometroa hilero egiten da, euskal ekonomiaren 100 adierazletik gora oinarri hartuta, eta hilabete bakoitzaren lehen egunetan argitaratzen da.
