Hilaren 18tik aurrera, ibilgailuen abiadura gehiago kontrolatuko da hirian
Kanpaina abenduaren 18an hasiko da, astelehenean, eta bat dator datozen asteetan polizia kidegoek egingo dituzten gainerako kontrolekin, Gabonetan errepide eta bide publikoetan segurtasuna bermatzeko.
Abiadura kontrolak radar finkoen zein radar mugikorraren bidez egingo dira, egun horietan beren lana areagotzen. Legeak ezarritako abiadura-mugak ez betetzeak 100€ eta 600€ arteko isunak ekar ditzake, bai eta karneteko 6 puntu ere, egindako gehiegikeriaren arabera.
30 hiria
2021eko apiriletik, Donostiak 30 km/h-ko abiadura-muga du ezarrita hirian, bide salbuetsi eta behar bezala seinaleztatutakoetan ezik, 2020an onartutako Zirkulazioko Erregelamendu Orokorraren aldaketa baten bidez ezarria. Muga horren helburua, hain zuzen ere, hiriko ezbehar-tasa murriztea da, eta, batez ere, oinez eta bizikletaz ibiltzen diren pertsonena.
Garraio publikoa
Udalak beste behin ere gomendatzen du garraio publikoa erabiltzea hirian zehar modu eroso, seguru eta gasangarrian mugitzeko. Gainera, abenduaren 16tik urtarrilaren 6ra arte, egunero eskainiko da Illunbetik erdigunetako anezka zerbitzua, abenduaren 25ean eta urtarrilaren 1ean izan ezik, egun horietan ez baita zerbitzurik egongo.
