Eusko Jaurlaritzako Ekonomiaren Garapen, Iraunkortasun eta Ingurumen Sailari atxikitako URA-Uraren Euskal Agentziak Mallabiko Goitondo industrialdeko hondakin-urak Ermuko saneamenduko hodi biltzailera lotzeko obrak lizitatu ditu, Apraizko HUAra bideratzeko. 15 hilabete eta 3,8m euroko inbertsioa beharko duen jarduketa.
Uraren Euskal Agentziak, Gipuzkoako Ur-Partzuergoak, Mallabiko Udalak eta Ermuko Udalak «Mallabiko eta Ermuko (Bizkaia) saneamendua eraikitzeko proiektua» ri dagozkion jarduketak gauzatzen laguntzeko sinatu berri duten hitzarmenaren barruan sartzen dira obra horiek.
Gainera, Debabarreneko saneamendurako obra multzo baten jarraipena da, eta faseka egiten ari dira. Orain, Mallabitik (Goitondoko poligonoa, zein Mallabiko herrigunea) Ermuko herrigunera doazen hondakin-urak garraiatzeko kolektoreak eraikiko dira. Kolektore horietan, bi horien hondakin-urak jaso eta Eibarreraino bideratuko dira, behar bezala arazteko (bidean Zaldibarko isurketak jasoz), Gipuzkoako Ur Kontsortzioak kudeatzen duen Apraizko araztegira.
Jarduketa horri esker, Egora iristen den karga kutsatzailea murriztu ahal izango da, eta, horrela, hiri-presio handia jasaten duen ibai baten egoera ekologiko ona berreskuratzea ahalbidetuko duten baldintzak sustatuko dira.
