Lutxanak haurrentzako parke berri bat dauka gaur goizetik. Errotabarria plazan dagoena da, Auzoetako Aurrekontu Parte-hartzaileetan gehien bozkatutako proposamenetako bat izan ondoren berritu dena. Udalak ingurua erabat berritu du, familiako txikienentzako jolas-gune bat sortuz, animalia-formako egitura originalekin. Parke berri honetan 48.000 eurotik gorako inbertsioa egin da.
Plazak lurzoru babeslea du, guztiz berria, eremu bereizietan. Gainera, haur txikiagoentzako jolasguneak sortu dira. Honako hauek osatzen dute: triku formako elementuak dituen txirrista baxu bat; dortoka bat; saski-zabu bat; elementu birakari bat; eta harizko armiarma bat.
Parke berriak auzoko beste aukera batzuk eskaini nahi ditu, haur txikienentzako elementuekin eta estetika berezituarekin. Gainera, Amaia del Campo alkatetzara iritsi zenetik egindako jarraibideak betez, parkeak jolaserako elementu irisgarri bat du, haur guztiek jolastu ahal izan dezaten, haien gaitasunak edozein direla ere. Kasu honetan, elementu hori saski-zabua da.
Lanak bi hilabeteko epean egin dira eta Udalak 48.400 euroko inbertsioa egin du.
