Denboraren makina martxan jarri da Nafarroako Jauregian, Foru Gobernuaren egoitzan Antso VII.a Azkarra erregea, Vianako Printzea edo Borboi-Dos Siciliaseko Maria Cristina bezalako pertsonaiak biltzeko. 200 lagunek baino gehiagok izango dute gaurtik aurrera programatutako ibilbide ziklo berriaz gozatzeko aukera. Jarduera hauek Nafarroako Jauregian antolatuko dira, 1851n inauguratu zen estilo neoklasikoko eraikina eta Nafarroako errepideen «zero kilometroa» dena. Iruñeko San Inazio etorbidetik eta Karlos III.a etorbidetik sar daiteke eraikinera.
