Idoia Mendia lehendakariorde eta Lan eta Enplegu sailburua pozik agertu da Enpleguari buruzko Euskal Legearen lehenengo onarpenarekin (gaur argitaratu da Euskal Herriko Agintaritzaren Aldizkarian), berak zuzentzen duen sailak legegintzaldiko konpromiso guztiak bete dituelako.
Radio Popular-Herri Irratian egindako elkarrizketa batean, Mendiak Lege horren balioa gogorarazi du, autogobernua eskubide gehiago sortzeko garatzen baitu eta erakunde guztien ekintzak antolatzen baititu eraginkorragoak izateko. Ildo horretan, Lanbideren zerbitzu publikoak eta Lan Ikuskaritzak eta Osalanek enplegua duina eta kalitatezkoa izan dadin duten zeregina azpimarratu du.
Lehendakariordeak Iruñeko Udaleko zentsura-mozioari buruz ere hitz egin du. Azaldu duenez, mozioa eskuindarrek euren artean ez den beste inorekin itunak egiteko duten ezintasunaren isla da.
